مەسەنات يسلامبەك سالجانوۆ ەلىمىزدىڭ بارلىق قالالىق جانە اۋداندىق كىتاپحانالارىنا يننوۆاسيالىق تەحنولوگيالار تۋرالى 8 مىڭ كىتاپ سىيعا تارتتى
5 جەلتوقساندا استانادا كاسىپكەر، مەسەنات، Altyn Qyran Foundation قوعامدىق قورىنىڭ نەگىزىن قالاۋشى يسلامبەك سالجانوۆتىڭ باستاماسىمەن ستۋدەنتتەرمەن كەزدەسۋ ءوتتى، دەپ حابارلايدى اlmaty-akshamy.kz.
سپيكەرلەر: «قازاق ءتىلى» حالىقارالىق قوعامىنىڭ پرەزيدەنتى راۋان كەنجەحان ۇلى، «قازپوشتا» اق باسقارما ءتوراعاسى اسەل جاناسوۆا، ۇلتتىق اكادەميالىق كىتاپحانانىڭ ديرەكتورى عازيزا نۇرعالييەۆا جانە بلوكچەين تەحنولوگيالارى مەن دەرەكتەر ورتالىقتارى قاۋىمداستىعىنىڭ باسقارما ءتوراعاسى داۋرەن قاراشيەۆ.
شارا بارىسىندا يسلامبەك سالجانوۆ قازاق ءتىلىنىڭ ءبىلىم بەرۋدەگى وزەكتىلىگىنە توقتالىپ، كىتاپتاردى قازاق تىلىنە اۋدارۋ – ەلىمىز ءۇشىن باستى مىندەتتەردىڭ ءبىرى ەكەنىن جەتكىزدى. سونداي-اق، ەلىمىزدەگى بارلىق قالالىق جانە اۋداندىق كىتاپحانالارعا 8 مىڭ دانا كىتاپ تاپسىرىلاتىنىن حابارلادى.
«بۇگىن ءبىز، Altyn Qyran Foundation، قازاقستان بلوكچەين تەحنولوگيالارى جانە دەرەكتەر ورتالىقتارى قاۋىمداستىعى، «قازاق ءتىلى» حالىقارالىق قوعامىمەن، سونداي-اق قازاقستان رەسپۋبليكاسىنىڭ ۇلتتىق اكادەميالىق كىتاپحاناسىمەن جانە «قازپوشتا» اق-مەن بىرلەسىپ اتقارعان جاقسى جۇمىسىمىزبەن بولىسكىمىز كەلەدى. قازاق تىلىندەگى جاڭا تەحنولوگيالار تۋرالى ءتورت الەمدىك بەستسەللەر ەلىمىزدىڭ بارلىق قالالىق جانە وبلىستىق كىتاپحانالارىنىڭ سورەلەرىنە جىبەرىلەدى. ولار «بلوكچەين تەحنولوگياسى»، «اقشانىڭ قىسقاشا تاريحى»، «كريپتوۆاليۋتا ءداۋىرى» جانە «شىندىق ماشينالارى» - ەڭ قولجەتىمدى جانە بلوكچەين تەحنولوگيالارى، كريپتويندۋستريا، WEB3 قانداي ەكەندىگى جانە پروگرەسس قايدا جاتقانى تۋرالى قىزىقتى 4 الەمدىك كىتاپ»، - دەدى مەسەنات.
بۇل كىتاپتاردىڭ بارلىعى ونلاين فورماتتا «التىن قىران» قورىنىڭ رەسمي سايتىندا قولجەتىمدى.
«ال ءقازىر ءبىز وتە كۇردەلى كەزەڭدە ءومىر ءسۇرىپ جاتىرمىز. بارىمىزگە بلوكچەين تەحنولوگياسى، جاساندى ينتەللەكت، زاتتاردىڭ ينتەرنەتى، كەڭەيتىلگەن ۆيرتۋالدى شىندىق جانە ت.ب. سياقتى جاڭا تەحنولوگيالاردى مەڭگەرۋ كەرەك. ال بولاشاقتا ولارعا ءوزىمىز دە ءبىر نارسە قوسۋعا ءتيىسپىز. بۇل تەحنولوگيالار ءالى دامۋ ساتىسىندا. ال ءبىز، قازاقستاندىقتار، ەڭ الدىمەن، جاستار وسى ۇدەرىستەردىڭ باسىندا بولۋىمىز كەرەك. بۇل كىتاپتاردى ەلىمىزدىڭ بارلىق 168 اۋداندىق كىتاپحانالارىنا جەتكىزۋ ارقىلى ءبىز قازاقستاننىڭ اۋىل جاستارىنىڭ جاھاندىق يننوۆاسيالىق بىلىمگە قول جەتكىزۋىنە مۇمكىندىك بەرەمىز. بۇل كىتاپتارعا ونلاين قولجەتىمدىلىك ءاربىر قازاقستاندىققا يننوۆاسيالىق تەحنولوگيالاردى مەڭگەرۋگە جول اشادى»، - دەدى سپيكەر جاستارعا.
سونداي-اق ءىس-شارادا بلوكچەين تەحنولوگيالارى جانە داتا ورتالىقتارى قاۋىمداستىعىنىڭ باسقارما ءتوراعاسى قاراشيەۆ داۋرەن «بلوكچەين، كريپتويندۋستريا جانە Web3 دەگەنىمىز نە» دەگەن تاقىرىپتا بايانداما جاسادى.
«بلوكچەين جاڭا تەحنولوگيالار مەن يننوۆاسيالاردى دامىتۋعا ايتارلىقتاي اسەر ەتەدى. بۇگىندە جاس كاسىپكەرلەر ورتالىقتاندىرىلماعان جوبالاردى قۇرۋ، قارجىلىق ينكليۋزيانى جاقسارتۋ جانە ءبىلىم بەرۋ، ۇكىمەت، ەنەرگەتيكا، لوگيستيكا، دەنساۋلىق ساقتاۋ جانە ەكونوميكامىزدىڭ باسقا سەكتورلارى سياقتى ءارتۇرلى سالالارداعى اشىقتىقتى ارتتىرۋ ءۇشىن بلوكچەيندى پايدالانۋدا»، - دەدى ول.
ەستەرىڭىزگە سالا كەتەيىك، Altyn Qyran Foundation قوعامدىق قورى قايىرىمدىلىق كومەك كولەمى بويىنشا قازاقستانداعى ەڭ ءىرى قورلاردىڭ وندىعىنا كىرەدى جانە ءۇش نەگىزگى باعىتتا – ءبىلىم بەرۋ، مادەنيەت جانە الەۋمەتتىك ينفراقۇرىلىم بويىنشا جۇمىس ىستەيدى.
