ساحنادا دىبىس پەن جارىق جۇيەلەرى تولىقتاي تەكسەرىلىپ، كونسەرتكە قاتىساتىن جۇلدىزدى قوناقتار الدىن الا كەلىپ، ءوز ونەرلەرىن پىسىقتاۋدا. سونداي-اق وت شاشۋ ەلەمەنتتەرى بىرنەشە مارتە سىناقتان وتكىزىلىپ، كەشتىڭ تەحنيكالىق قاۋىپسىزدىگى تولىق قامتاماسىز ەتىلۋدە.
سونىمەن قاتار، قالا تۇرعىندارى دا الداعى كونسەرتتەن ەرەكشە اسەر كۇتەتىندەرىن جاسىرمادى.
قالا تۇرعىنى ءۇمىت:
«جاڭا جىلدىق باستى كونسەرتكە العاش رەت كەلىپ تۇرمىن. ءار جىل سايىن كەلە بەرمەيمىن، سوندىقتان بيىل ەرتەرەك كەلىپ، ساحنانى جاقىن جەردەن كورۋدى ءجون كوردىم. باستى ماقساتىم — Ninety One توبىنىڭ اندەرىن تىڭداۋ. الاڭعا كەلگەن ساتتەن باستاپ ەرەكشە اسەر سەزىلەدى: اسەم بەزەندىرىلگەن ورتا، ءتۇرلى ءتۇستى جارىقتار، اۋەن مەن حالىقتىڭ بىر-بىرىنە بەرەتىن جىلى ەنەرگياسى بىردەن بايقالادى. 00:00-گە دەيىن وسىندا بولىپ، بىرگە كۇلىپ، بيلەپ، ءان تىڭداپ، كەيىن وتباسىممەن قوسىلىپ جاڭا جىلدى قارسى الامىن»، — دەيدى ول.