الماتىدا بۇگىن اۋا رايى جانعا جايلى، بەينە قىس ورتاسىندا كوكتەمنىڭ جىلى لەبى كەلگەندەي. سوعان ساي قالا تۇرعىندارىنىڭ كوڭىل-كۇيى دە كوتەرىڭكى، جاڭا جىلدى وسى جىلى لەپپەن قارسى العىسى كەلەدى. كوشەلەردە مەرەكەلىك قاربالاس، تۇرعىنداردىڭ جۇزىندە قۋانىش پەن شاتتىق ايقىن بايقالادى.
بۇگىن قالانىڭ باستى مەرەكەلىك شاراسى – جاڭا جىلعا ارنالعان ۇلكەن كونسەرت «استانا» الاڭىندا وتەدى. قازىرگى ۋاقىتتا الاڭدا ساحنا تولىق ورناتىلىپ، تەحنيكالىق جانە شىعارماشىلىق دايىندىق جۇمىستارى ءتامامدالعان. كەشكىلىك قالا تۇرعىندارى مەن قوناقتارىن اسەرلى كونسەرتتىك باعدارلاما كۇتىپ تۇر.
مەرەكەنىڭ ءقاۋىپسىز ءارى كوڭىلدى ءوتۋى ءۇشىن بارلىق قاجەتتى شارالار قاراستىرىلعان. الاڭ ماڭىندا كوممۋنالدىق قىزمەتتەر، پوليسيا جانە توتەنشە جاعدايلار قىزمەتىنىڭ ماماندارى جۇمىلدىرىلىپ، قوعامدىق ءتارتىپ پەن قاۋىپسىزدىك باقىلاۋدا بولادى.
الماتى جاڭا جىلدى بىرگە، ءبىر كوڭىلمەن قارسى الۋعا دايىن. جىلى اتموسفەرا، اسەم مۋزىكا مەن مەرەكەلىك كوڭىل كۇي – بۇگىن «استانا» الاڭىندا!