«ازاماتتارعا ارنالعان ۇكىمەت» مەملەكەتتىك كورپوراسياسى جاڭا جىل مەرەكەسى كۇندەرى حالىققا قىزمەت كورسەتۋ ورتالىقتارى مەن مامانداندىرىلعان حقكو-لاردىڭ جۇمىس كەستەسىن جاريالادى، دەپ حابارلايدى Aqshamnews.kz.
مەملەكەتتىك كورپوراسيانىڭ رەسمي مالىمەتىنشە، 1 جانە 2 قاڭتار، سونداي-اق 2026 جىلعى 7 قاڭتاردا ەلىمىزدەگى بارلىق حقكو مەن ارنايى حقكو-لار جۇمىس ىستەمەيدى.
ال 3 قاڭتار، سەنبى كۇنى كەزەكشى حقكو مەن ارنايى حقكو-لار ازاماتتاردى قابىلدايدى. بۇل كۇنى قىزمەت كورسەتۋ ۋاقىتى 09:00-دەن 13:00-گە دەيىن جالعاسادى.
5 جانە 6 قاڭتار جۇمىس كۇندەرى بولىپ سانالادى. وسى كۇندەرى ەلىمىزدەگى بارلىق حقكو مەن ارنايى حقكو-لار قالىپتى رەجيمدە جۇمىس ىستەيدى.
مەملەكەتتىك كورپوراسيا وكىلدەرى ەسكە سالعانداي، حقكو-لار جۇمىس كۇندەرى ازاماتتاردى 09:00-دەن 18:00-گە دەيىن قابىلدايدى. ال كەزەكشى حقكو مەن ارنايى حقكو-لار دۇيسەنبىدەن جۇماعا دەيىن 09:00-دەن 20:00-گە دەيىن، سەنبى كۇنى 09:00-دەن 13:00-گە دەيىن قىزمەت كورسەتەدى.
سونىمەن قاتار، بۇعان دەيىن جەلىدە 1414 ءبىرىڭعاي بايلانىس ورتالىعى ارقىلى اقىلى قىزمەتتەر كورسەتىلەدى دەگەن اقپارات تاراعان بولاتىن. اتالعان جايتقا قاتىستى «ازاماتتارعا ارنالعان ۇكىمەت» مەملەكەتتىك كورپوراسياسى رەسمي تۇسىنىكتەمە بەرگەنىن حابارلادى.