رەسپۋبليكا كۇنىنە وراي جولاۋشىلار اعىنىنىڭ ارتۋىنا بايلانىستى "جولاۋشىلار تاسىمالى" اق قوسىمشا پويىزداردى ىسكە قوسادى، دەپ حابارلايدى aqshamnews.kz "قتج"-عا سىلتەمە جاساپ.
ۇلتتىق تاسىمالداۋشىنىڭ حابارلاۋىنشا، قوسىمشا پويىزدار مىنا باعىتتار بويىنشا جۇرەدى:
"اقتوبە-شالقار" باعىتى بويىنشا №630/629 پويىز 2024 جىلدىڭ 22 قازانىنان باستاپ ەكى كۇندە ءبىر رەت جۇرەدى؛
"استانا-شىمكەنت" باعىتى بويىنشا №204 پويىز 2024 جىلدىڭ 21 قازانىنان باستاپ كۇن سايىن جۇرەدى؛
"شىمكەنت-الماتى" باعىتى بويىنشا №216 پويىز 2024 جىلدىڭ 22 قازانىنان باستاپ كۇن سايىن جۇرەدى؛
"الماتى-استانا" باعىتى بويىنشا №201 پويىز 2024 جىلدىڭ 23 قازانىنان باستاپ كۇن سايىن جۇرەدى.
كومپانياداعىلار پويىزدارعا ءارتۇرلى قىزمەت كورسەتۋ دارەجەسىندەگى ۆاگوندار، سونىڭ ىشىندە كۋپە جانە پلاسكارت ۆاگوندار كىرەتىنىن حابارلادى.
سونداي-اق قالا ماڭى باعىتىندا 2024 جىلدىڭ 25 جانە 27 قازانىندا "قاراعاندى-استانا" جۇردەك ەلەكتر پويىزىنىڭ باعىتى بۋراباي كۋرورت ستانسياسىنا دەيىن ۇزارتىلادى.
№7553/6811/6812/7556 "قاراعاندى-استانا-بۋراباي كۋرورتى" ەلەكتر پويىزىنىڭ باعىتى:
استانادان شىعۋ 10:40، بۋرابايعا كەلۋ 13:15؛
بۋرابايدان قايتۋ 14:10، استاناعا كەلۋ 17:00.
سونىمەن قاتار 2024 جىلدىڭ 25، 26 جانە 27 قازانىندا "ەرەيمەنتاۋ-استانا-كوكشەتاۋ" باعىتى بويىنشا №6831/6829/6830/6832 ەلەكتر پويىزىنىڭ قۇرامى قوسىمشا ۆاگوندارمەن تولىقتىرىلادى.