مەرەكە قارساڭىندا ەلىمىزدىڭ ىشكى ىستەر ورگاندارىنىڭ جەكە قۇرامى كۇشەيتىلگەن قىزمەت تۇرىنە كوشىرىلەدى.
قازاننىڭ 24ء-ى مەن 26-سى ارالىعىندا پوليسيا جانە ۇلتتىق ۇلان قىزمەتكەرلەرىنىڭ سانى 20 مىڭعا كوبەيتىلمەك، دەپ حابارلايدى Almaty-akshamy.kz 24.kz-كە سىلتەمە جاساپ.
قۇقىق بۇزۋشىلىقتىڭ الدىن الۋ ماقساتىندا وڭىرلەردەگى قوعامدىق ورىندار، مادەنيەت وشاقتارى، كوشەلەر مەن تۇرعىن ءۇي اۋلالارى قاتاڭ باقىلاۋعا الىنادى.
ىشكى ىستەر مينيسترلىگى مەرەكە قارساڭىندا تۇرعىنداردى قوعامدىق ءتارتىپتى ساقتاۋعا، ءوز مۇلىكتەرىنە ساق بولۋعا شاقىرادى.
«اكىمدىكتەرمەن بىرلەسىپ، مادەني بۇقارالىق شارالار وتەتىن ورىندار بەلگىلەندى. وسى كۇندەرى قوعامدىق ءتارتىپتى ساقتاۋعا تارتىلعان پوليسيا مەن ۇلتتىق ۇلان قىزمەتشىلەرىنىڭ سانىن 20 مىڭعا جەتكىزۋ كوزدەلگەن. پوليسيا جاساقتارى ازاماتتار كوپ جينالاتىن ءارى دەمالاتىن ورىندارعا جاقىنداتىلادى. كامەرالار مەن ۆيزالدى باقىلاۋعا الىنادى»، - دەدى ق ر ءىىم اكىمشىلىك پوليسيا كوميتەتى ەرەكشە تاپسىرمالار جونىندەگى اعا ينسپەكتورى ايدىن ورازبايەۆ.