بۇگىن – حالىقارالىق قار بارىسى كۇنى

قازاننىڭ 23ء-ى كۇنى حالىقارالىق قار بارىسى كۇنى اتالىپ وتىلەدى.  ەلىمىزدىڭ ەڭ ۇلكەن قالالارىنىڭ ءبىرى - الماتى قالاسىنىڭ  ەلتاڭباسىندا بارىس بەينەسى بەينەلەنگەن.  سونداي-اق قازاقستانداعى 2011 جىلعى قىسقى ازيا ويىندارىنىڭ سيمۆولى رەتىندە دە بارىس الىنعان بولاتىن. ەلوردادا 2015 جىلى "بارىس ارەنا" سپورت كومپلەكسى دە اشىلعان. 1999 جىلى 26 قاراشادا قۇرىلعان ەلوردالىق حوككەي كومانداسىنا دا ۇلتتىق سيمۆولدىڭ قۇرمەتىنە "بارىس" اتاۋى بەرىلدى. 

قار بارىسى وزدەرى مەكەن ەتەتىن ورتالىق ازيا تاۋلارىنىڭ سۇلۋ تابيعاتىنان، قاتال الەمىنەن سىر شەرتەدى. اتاۋىنىڭ شىعۋ تاريحى دا سان ءتۇرلى. مىسالى، جەتىسۋ جەرىندە يلبەرس، الماتىنىڭ شىعىسىندا يرۆيز، تۇركى تىلدەرىندە يربيز دەپ اتاعان

قار بارىستارى تۋرالى قىزىقتى دەرەكتەر

• ەرەسەك قار بارىسىنىڭ سالماعى 55 كگ-عا جەتەدى، ال دەنەسىنىڭ ۇزىندىعى قۇيرىعىن قوسقاندا 2 مەتردەن اسادى.


• قار بارىستارىناۋلاۋعا قاتاڭ تىيىم سالىنعانىنا قاراماستان، ولاردىڭ جويىلۋ ءقاۋپى بار. بۇگىنگى كۇنى بارىس ازايىپ كەلەدى. ولار حالىقارالىق قىزىل كىتاپقا ەنگەن..


• بالا كەزىنەن تاربيەلەنگەن بارىستىڭ كوتياتاسى ادامعا تەز ۇيرەنىپ، ۇيرەنشىكتى بولادى.


• قار بارىسىنىڭ ۇزىن جانە جۋان قۇيرىعى تەپە-تەڭدىكتى ساقتاۋعا كومەكتەسەدى.


• كەڭ تاباندارىنىڭ ارقاسىندا قار بارىستارى بوس قاردىڭ ىشىنە ءتۇسىپ كەتپەيدى


• قار بارىستارى جۇگىرۋدەن 6-8 مەترگە سەكىرە الادى.


• يربيس تاۋدا، بىرنەشە شاقىرىم بيىكتىكتە ءومىر سۇرگەندى ءجون كورەدى. 


• بۇل ۇلكەن مىسىقتاردىڭ انالىقتارى 2 جىل سايىن تۋادى، ادەتتە 2-3 كۇشىك تۋادى. ولار ءومىرىنىڭ العاشقى ەكى جىلىن اناسىمەن بىرگە وتكىزەدى، سودان كەيىن كەتىپ قالادى.


• يربيس – پلانەتاداعى تاۋلاردا ءومىر سۇرەتىن جالعىز مىسىقتار.


• كوزدەرى وتە وتكىر. بىرنەشە كيلومەتر قاشىقتىقتان اق قار ۇستىندە اق ولجانى كورۋگە مۇمكىندىك بەرەدى.


• بيولوگيا تۇرعىسىنان بارىستىڭ ەڭ جاقىن تۋىسى – جولبارىس.


• تۇتقىندا قار بارىستارى 20 جىل ءومىر سۇرەدى، ال تابيعاتتا – 11-12 جىل. رەسمي تۇردە تىركەلگەن ۇزاق ءومىر ءسۇرۋ رەكوردى 28 جىل.


• يربيس ەشقاشان ادامدارعا شابۋىل جاسامايدى.


• ولار نەگىزىنەن تۇندە ءومىر سۇرەدى، كۇندىز ءقاۋىپسىز باسپانادا ۇيىقتاۋدى ءجون كورەدى.


• باسقا مىسىقتاردان ايىرماشىلىعى، بارىستىڭ تىك ەمەس، دوڭگەلەك قاراشىقتارى بولادى.


• قار بارىسىنىڭ تاباندارى سىلەۋسىن ءتارىزدى شاشپەن جابىلعان. بۇل دا ونىڭ قارعا قۇلاپ كەتپەۋىنە كومەكتەسەدى 


• يربيس قۇيرىعىنىڭ ۇزىندىعى ونىڭ بۇكىل دەنەسىنىڭ ۇزىندىعىمەن سالىستىرىلادى.


• قار بارىسى ەڭ قۇپيا بولىپ تابىلادى.


• قار بارىستارى بۇكىل ءومىرىن جالعىز وتكىزەدى، ال اتالىقتارى انالىقتارىمەن قىسقا جۇپتاۋ كەزەڭىندە عانا كەزدەسەدى.


• تۇركى تىلدەرىنىڭ بىرىنەن اۋدارىلعان «يربيس» ءسوزى «قار مىسىق» دەگەندى بىلدىرەدى.