«قازگيدرومەت» سينوپتيكتەرى 6-8 شىلدەگە ارنالعان اۋا رايى بولجامىن جاريالادى.
الداعى مەرەكە كۇندەرى رەسپۋبليكا اۋماعىنىڭ باسىم بولىگىندە اۋا رايى تۇراقسىز بولادى. جاڭبىر جاۋىپ، نايزاعاي وينايدى، ەكپىندى جەل كۇتىلەدى، دەپ حابارلايدى Almaty-akshamy.kz.
6-7 شىلدەدە ورتالىقتا، وڭتۇستىك-شىعىستا قاتتى جاڭبىر جاۋادى. 6-8 شىلدەدە قازاقستاننىڭ سولتۇستىگىندە، شىعىسىندا، كۇندىز بۇرشاق جاۋۋى مۇمكىن. ەلىمىزدىڭ باتىسىندا عانا جاۋىن-شاشىنسىز اۋا رايى كۇتىلەدى.
«باتىستا، وڭتۇستىكتە كۇندىزگى تەمپەراتۋرا بىرتىندەپ جوعارىلايدى. اۋا تەمپەراتۋراسى +33+42°س دەيىن جەتەدى. ال ەلىمىزدىڭ قالعان بولىگىندە اۋا تەمپەراتۋراسى سولتۇستىك-باتىستا جانە ورتالىقتا +22+ 35°س دەيىن، سولتۇستىكتە +23+30°س دەيىن، شىعىستا جانە وڭتۇستىك-شىعىستا +20+30°س دەيىن بولادى»، - دەلىنگەن حابارلامادا.