سەگىز بولىمنەن تۇراتىن «مەنىڭ التايىم» تەلەحيكاياسى قىتايداعى كورەرمەندەردىڭ نازارىن اۋداردى. كورسەتىلىمنەن كەيىن جۇڭگو ازاماتتارى شىڭجاڭ-ۇيعىر اۆتونوميالىق اۋدانىنداعى التاي وكرۋگىن كورۋگە دەگەن ىنتالارى ارتا باستاعان، دەپ حابارلايدى اlmaty-akshamy.kz.
سەريالدىڭ الەمدىك پرەمەراسى ءساۋىر ايىنىڭ باسىندا ءوتتى. وسى ۋاقىت ىشىندە ايماق تۋرالى مالىمەت ىزدەۋشىلەر سانى التى ەسەگە ارتتى، ال جەرگىلىكتى تۋرلاردى برونداۋ كولەمى ءبىر اي ىشىندە 370%-عا وسكەن.
«مەنىڭ التايىم» تەلەحيكاياسى جۇڭگو جازۋشىسى لي سزيۋاننىڭ اڭگىمەلەر جيناعى نەگىزىندە تۇسىرىلگەن. فيلمدە حان يمپەرياسىنىڭ قىزى مەن قازاق جىگىتىنىڭ قارىم-قاتىناسى، جەرگىلىكتى مالشىلاردىڭ ءومىرى جانە ادامداردىڭ تابيعاتپەن ۇيلەسىمدىلىگى تۋرالى باياندالادى.
التاي وكرۋگىنىڭ اكىمشىلىگى ءفيلمنىڭ ارقاسىندا بيىلعى جىلى جوعارى تۋريستىك ماۋسىم ءبىر اي بۇرىن باستالعانىن مالىمدەدى. مامىر ايىندا ايماققا شامامەن 2،67 ميلليون ساياحاتشى كەلگەن. بۇل وتكەن جىلدىڭ سايكەس كەزەڭىمەن سالىستىرعاندا 80%-عا وسكەن. وسىلايشا تۋريزمنەن تۇسكەن تابىس 93%-عا ارتقان.