قازاقستاندىق اكتريسا جانە تەلەجۇرگىزۋشى، ايگىلى ءانشى قايرات نۇرتاستىڭ جارى جۇلدىز ابدۋكارىموۆا 13 تامىزدا وتباسىمەن بەسىنشى ءسابيىنىڭ جىنىسىن انىقتايتىن كەش(گەندەر-پاتي) وتكىزدى. قايرات نۇرتاس وتباسىلىق جيىنعا نەگە بارماعانىن ءتۇسىندىردى، - دەپ حابارلايدى اqshamnews.kz.
جۇلدىز ءوزىنىڭ پاراقشاسىندا بالالارىمەن بىرگە داستارقان باسىندا جاپوننىڭ "موتي" دەسەرتىن جەپ وتىرعان ۆيدەوسىن جاريالادى. دەسەرتتىڭ ىشكى تۇسىنە قاراي ولار ءسابيدىڭ جىنىسىن ءبىلدى. الايدا ناقتى ۇل نەمەسە قىز ەكەنىن جاريالامادى. دەگەنمەن، جۇلدىزدىڭ قىزدارىنىڭ قۋانىشتى رەاكسياسىنا قاراعاندا، قىز بالا بولۋى مۇمكىن دەگەن بولجام بار.
"اسا قاتتى گەندەر پاتي جاساعىم كەلمەدى. ءبىراق ءتورت قۇبىلامنىڭ كوڭىلىن قيماعاندىقتان ۋ-شۋسىز وتكىزەيىك دەپ ورتاق شەشىمگە كەلدىك" دەپ جازدى ابدۋكارىموۆا.
ايتا كەتەيىك، وتباسىلىق ماڭىزدى شارادا قايرات نۇرتاس بوي كورسەتپەدى. كەيىن ءانشى ءوزىنىڭ پاراقشاسىندا جازبا جاريالاپ، جۇمىستان قولى تيمەگەنىن ايتتى.
"جۇمىستا ءجۇرىپ،تۇندەلەتىپ قايتىپ، مەن جوقتا گەندەر پاتي شىراقتارى جانىپ قىزىق بولىپتى،بايقادىم…" دەپ جازدى ول.
جەلى قولدانۋشىلارى پىكىرلەر بولىمىندە ءسابيدىڭ جىنىسىن بولجاۋعا تىرىسىپ، نەگە قايرات نۇرتاستىڭ كەلمەگەنىن سۇرادى:
"مۇمكىن، قىز بالا شىعار، قىزدارى ءماز عوي!"،"اكەسى قايدا؟"، "قايرات 10 جىل بويى جۇلدىزدى ەشكىمگە كورسەتپەي جاسىردى، ەندى جۇلدىزدىڭ قايراتتى جاسىراتىن كەزى كەلدى!" دەپ جارىسا جازدى جۇرت.