ولار AITU ۇلتتىق مەسسەندجەرىنە كوشۋى كەرەك، دەپ حابارلايدى aqshamnews.kz
بۇگىن ۇكىمەتتە پرەزيدەنتتىڭ تاپسىرمالارىن جۇزەگە اسىرۋ جونىندەگى سيفرلىق شتابتىڭ وتىرىسىن وتكىزگەن ولجاس بەكتەنوۆ 15 قىركۇيەككە دەيىن مەملەكەتتىك ورگانداردىڭ قىزمەتكەرلەرىن AITU ۇلتتىق مەسسەندجەرىنە كوشىرۋ تۋرالى تاپسىرما بەردى.
ايتا كەتەيىك، شتاب وتىرىسىنىڭ كۇن تارتىبىندە ءتورت ماسەلە قارالعان. سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ بايانداما جاساعان. شتاب مىنانداي ءتورت ماڭىزدى شەشىم قابىلداعان:
مەملەكەتتىك ورگانداردىڭ اقپاراتتىق جۇيەلەرىن ينتەگراسيالاۋدىڭ كەشەندى جوسپارىن بەكىتتى؛
جاساندى ينتەللەكت دەرەكتەر ماسسيۆتەرىمەن جۇمىس ىستەۋ رەگلامەنتى جانە ونى جۇزەگە اسىرۋ جونىندەگى جوسپاردى بەكىتتى.
Smart Data Ukimet بويىنشا مەملەكەتتىك دەرەكتەردى بىرىكتىرۋ بويىنشا جۇمىستاردى اياقتاۋ مەرزىمدەرى انىقتالدى. جاڭا حەشتەۋ ءادىسىن قولداناتىن ينتەگراسيا بيىلعى 1 قىركۇيەگىندە اياقتالۋى كەرەك، ال بارلىق دەرەكتەر وسى جىلدىڭ 1 جەلتوقسانىنا دەيىن پلاتفورماعا بەرىلۋى كەرەك؛
وسى جىلدىڭ 15 قىركۇيەگىنە دەيىن مەملەكەتتىك ورگاندار قىزمەتكەرلەرىنىڭ AITU ۇلتتىق مەسسەندجەرىنە كوشىرۋ تۋرالى شەشىم قابىلداندى.
«مەملەكەت باسشىسى قازاقستان ەۋرازياداعى سيفرلىق حابقا اينالۋى ءتيىس دەگەن ماقساتتى العا قويىپ وتىر. ناقتى مىندەتتەر بەلگىلەندى. بۇگىنگى تاڭدا سيفرلىق شتاب بارلىق مەملەكەتتىك ورگان مەن ۇيىمدار ءۇشىن مىندەتتى شەشىمدەر قابىلدادى. ناتيجە اقپاراتتىق قاۋىپسىزدىكتى جاقسارتۋعا جانە مەملەكەتتىك اپپاراتتىڭ تيىمدىلىگىن ارتتىرۋعا باعىتتالعان»، - دەدى بەكتەنوۆ.