جارتى جىلدىڭ ىشىندە ازاماتتاردىڭ وتىنىشىنە دۇرىس جاۋاپ بەرمەگەن 614 لاۋازىمدى تۇلعا جاۋاپقا تارتىلعان. بۇل تۋرالى باس پروكۋراتۋرا ءمالىم ەتتى، دەپ حابارلايدى Almaty-akshamy.kz.
«مەملەكەتتىك ورگانداردىڭ وتىنىشتەردى قاراۋ ساپاسى ۇدايى باقىلاۋدا. قۇقىقتىق ستاتيستيكا جانە ارنايى ەسەپكە الۋ جونىندەگى كوميتەت پەن ونىڭ دەپارتامەنتتەرىنىڭ تەكسەرۋلەرى 3 مىڭنان استام بۇزۋشىلىقتى انىقتادى. ءاربىر فاكتى بويىنشا پروكۋرورلىق دەن قويۋ شارالارى قابىلدانىپ، 614 لاۋازىمدى تۇلعا جاۋاپقا تارتىلدى»، - دەلىنگەن ۆەدومستۆو مالىمەتىندە.
سونداي-اق، پروكۋرورلار التى ايدىڭ ىشىندە بيزنەسكە جوسپارلانعان 500-دەن استام زاڭسىز تەكسەرۋدىڭ جولىن كەسكەن.
«تەكسەرۋ سۋبەكتىلەرى مەن وبەكتىلەرىنىڭ ءبىرىڭعاي ءتىزىلىمى اقپاراتتىق جۇيەسى ارقىلى بيزنەس سۋبەكتىلەرى باقىلاۋشى ورگاندار تاراپىنان نەگىزسىز قىسىمنان قورعالادى. كوميتەت پەن ونىڭ اۋماقتىق دەپارتامەنتىنىڭ قاداعالاۋ شارالارى 500-دەن استام زاڭسىز تەكسەرۋلەردىڭ جولىن كەستى»، - دەپ جازىلعان باس پروكۋراتۋرا دەرەگىندە.