لوگيستيكا جانە كولىك اكادەمياسىندا وقۋ-ادىستەمەلىك بىرلەستىكتىڭ كەڭەيتىلگەن رەسپۋبليكالىق وقۋ-ادىستەمەلىك كەڭەس وتىرىسى ءوتتى.
ماسەلەلەردى تالقىلاۋ جانە جاستار اراسىندا كولىك كاسىپتەرىنىڭ تارتىمدىلىعىن ارتتىرۋ تەتىگىن ازىرلەۋ ءۇشىن لوگيستيكا جانە كولىك اكادەمياسى الاڭىندا 2023 جىلى 1 جانە 2 جەلتوقسان كۇندەرى «ينجەنەريا جانە ينجەنەرلىك ءىس»، «كولىك قىزمەتتەرى» ماماندارىن دايارلاۋ باعىتتارى بويىنشا ق ر عججبم رەسپۋبليكالىق وقۋ-ادىستەمەلىك كەڭەسىنىڭ وقۋ-ادىستەمەلىك بىرلەستىگىنىڭ (ق ر عججبم رواك ءواب) كەڭەيتىلگەن وتىرىسى ءوتتى، دەپ حابارلايدى Almaty-akshamy.kz ق ر عىلىم جانە جوعارى ءبىلىم مينيسترىلىگىنە سىلتەمە جاساپ.
اتالعان ءىس-شارا اياسىندا «قتج» ۇك اق قولداۋىمەن ق ر عىلىم جانە جوعارى ءبىلىم مينيسترلىگى، ق ر ۇلتتىق عىلىم اكادەمياسى، ق ر كولىك مينيسترلىگى، سالالىق قاۋىمداستىقتارى مەن وداقتارى «سامۇرىق-قازىنا» ءۇاق» اق، «قازاۆتوجول» ۇك» اق، «اتامەكەن» ق ر ۇكپ جانە كولىكتىك-لوگيستيكالىق باعىت بويىنشا ءبىلىم بەرۋ باعدارلامالارىن ىسكە اسىراتىن جوعارى وقۋ ورىندارىنىڭ وكىلدەرىنىڭ قاتىسۋىمەن «سەنىمدى تۇلەك» دوڭگەلەك ۇستەلى ۇيىمداستىرىلدى.
ءبىرىنشى كۇنى پلەنارلىق جانە سەكسيالىق وتىرىستاردا تەمىرجول كولىگى مەن لوگيستيكا ءۇشىن كادرلار دايارلاۋعا ەرەكشە نازار اۋدارىلدى. سونداي-اق، كۇن تارتىبىندە وزەكتى ءبىلىمى مەن داعدىلارى بار، تەز وزگەرەتىن جاعدايدا جەدەل شەشىم قابىلداۋعا قابىلەتتى جاڭا بۋىن ماماندارىن دايارلاۋ ءۇشىن كولىك جوعارى وقۋ ورىندارىنىڭ جۇمىس بەرۋشىلەرمەن جانە كولىك-لوگيستيكا سالاسىنىڭ سالالىق قاۋىمداستىقتارىنىڭ وكىلدەرىمەن ىنتىماقتاستىعى مەن ءوزارا ءىس-قيمىلىن دامىتۋعا باعىتتالعان ماڭىزدى جانە ستراتەگيالىق ماسەلەلەر قاراستىرىلدى.
دوڭگەلەك ۇستەلدىڭ ەكىنشى كۇنى اۆتوموبيل كولىگى مەن اۆتوموبيل جولدارىنا باسىمدىق بەرىلدى. كولىك عىلىمىن دامىتۋ جانە ءبىلىم بەرۋ جۇيەسى ءۇشىن قازىرگى زامانعى سىن-قاتەرلەر تۋرالى ماسەلەلەر قوزعالعان جەردە كولىك سالاسىنداعى بىلىكتى كادرلارمەن قامتاماسىز ەتۋ جانە حالىقارالىق كولىك قىزمەتتەرى سالاسىنداعى بىلىكتى كادرلاردىڭ تاپشىلىعى ماسەلەلەرى بويىنشا بەلسەندى پىكىرتالاستار بولدى.
45-تەن استام جوو بەلسەندى قاتىسقان رواك ءواب كەڭەيتىلگەن وتىرىسىنىڭ قورىتىندىسى بويىنشا ، مەملەكەتتىڭ كولىك سالاسى ءۇشىن كادرلار دايارلاۋ جونىندەگى جول كارتاسى ازىرلەنۋدە. سونداي-اق، لوگيستيكا جانە كولىك اكادەمياسى مەن «قتج» ۇك» اق ەكى كۇندىك وتىرىسى اياسىندا ALT، متمۋ، قازۇتزۋ ستۋدەنتتەرى ءۇشىن موتيۆاسيالىق سەسسيالار جانە ءبىلىم الۋشىلار مەن ءواب مۇشەلەرى ءۇشىن ترەنينگتەر وتكىزىلدى.