ەل بويىنشا ىزدەۋدە جۇرگەن 219 قىلمىسكەر ۇستالدى. بۇل تۋرالى ىشكى ىستەر مينيسترلىگىنىڭ بريفينگىندە ايتىلدى.
سونىمەن قاتار تىيىم سالىنعان زاتتاردى زاڭسىز ساقتاعان 557 ادامنىڭ ارەكەتى اشكەرە بولدى، دەپ حابارلايدى اlmaty-akshamy.kz 24.kz-كە سىلتەمە جاساپ. بۇل زاڭ بۇزۋشىلىقتار سوڭعى 10 كۇن بويى ەلىمىزدە جۇرگىزىلگەن «قۇقىقتىق ءتارتىپ» جەدەل الدىن الۋ شاراسى بارىسىندا انىقتالدى. پروفيلاكتيكالىق جۇمىستار اياسىندا 2657 ءقىلمىستىڭ ءىزى سۋىماي اشىلدى. سونداي-اق كىسى ءولتىرۋ ءبىرقاتار قاراقشىلىق، ۇرلىق-قارلىقتىڭ جولى كەسىلدى.
الماسحان سادىحانوۆ، ق ر ءىىم اكىمشىلىك پوليسيا كوميتەتىنىڭ اعا ينسپەكتورى: - زاڭنامانى بۇزۋ فاكتىلەرىن انىقتاۋ ءۇشىن ساياجاي الاپتارىن، قۇرىلىس وبەكتىلەرىن، بازارلاردى، شارۋا قوجالىقتارىن، جالدامالى پاتەرلەردى، شالعايداعى جانە وزگە دە كۇماندى ورىنداردى، ءۇي-جايلاردى ارالاۋ جۇزەگە اسىرىلدى. بۇدان باسقا 181،5 مىڭ اكىمشىلىك انىقتالدى. قۇقىق بۇزۋشىلىقتار، ونىڭ ىشىندە قوعامدىق ءتارتىپتى قورعاۋ بويىنشا 92،5 مىڭ، جول قاۋىپسىزدىگى بويىنشا 88،9 مىڭ انىقتالدى.