تاسقىن سۋ ورتاسىنان مەملەكەتتىك تۋدى الىپ شىققان ەسىمجان ءنادىروۆ ماقتاارال اۋداندىق پوليسيا ءبولىمىنىڭ باستىعى بولىپ تاعايىندالدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
وتكەن جىلدىڭ جەلتوقسان ايىندا ماقتاارال اۋدانىندا سۋ تاسقىنى بولىپ، پوليسيا مايورى ەسىمجان ءنادىروۆ سۋىق سۋدى بەلۋاردان كەشىپ، مەملەكەتتىك تۋدى اسا ۇقىپتىلىقپەن تاسقىن ورتاسىنان الىپ شىققان بولاتىن. بۇل كورىنىس ۆيدەوسى الەۋمەتتىك جەلىدە كەڭىنەن تاراپ، كوپشىلىكتى ءتانتى ەتكەن ەدى.
پوليسيا مايورى ەسىمجان ۇسەنبەك ۇلى ءنادىروۆ ىشكى ىستەر ورگاندارىندا 2007 جىلدان بەرى قىزمەت ەتىپ كەلەدى. ءبىلىمى جوعارى، زاڭگەر. 2011 جىلى ق ر ءىىم الماتى اكادەمياسىن بىتىرگەن.
ەڭبەك جولىن شىمكەنت قالاسى ءال-فارابي اۋداندىق پوليسيا باسقارماسىندا تەرگەۋشىسى بولىپ باستاعان. كەيىنگى جىلدارى ماقتاارال اۋدانىندا تەرگەۋشى، اعا تەرگەۋشى، انىقتاۋ ءبولىمىنىڭ باستىعى، كوشى-قون پوليسياسى ءبولىمىنىڭ باستىعى قىزمەتتەرىن اتقاردى.
2019 جىلدان بەرى جەتىساي اۋدانى پوليسيا ءبولىمى باستىعىنىڭ ءبىرىنشى ورىنباسارى بولدى.
مەملەكەتتىك تۋدى تاسقىندى سۋدان الىپ شىققان پوليسەيدىڭ لاۋازىمى ءوستى
- اۆتور Almaty-akshamy
- 16:32، 19 تامىز 2022
سۋرەت: Inform.kz