«اسكەري كەرنەي» بايقاۋى نۇر-سۇلتان قالاسىندا جالعاسىن تابادى
الماتىدا مەملەكەتتىك رامىزدەردىڭ قابىلدانعانىنا 30 جىل تولۋىنا وراي اسكەري وركەسترلەر بايقاۋى ءوتتى، دەپ حابارلايدى Almaty-akshamy.kz Almaty.tv-گە سىلتەمە جاساپ.
سايىسقا ۇلتتىق ۇلاننىڭ الماتى، قاراكەمەر، تاراز، شىمكەنت وڭىرلەرىنەن كەلگەن اسكەري ۇرمەلى اسپاپتار وركەسترى قاتىسىپ، ب ا ق سىناستى. ولار پانفيلوۆ كوشەسى بويىمەن ءجۇرىپ ءوتىپ، قالا تۇرعىندارىن ءوز ونەرىمەن ءتانتى ەتتى. ايتا كەتەيىك، الماتىدا باستاۋ العان «اسكەري كەرنەي» بايقاۋى نۇر-سۇلتان قالاسىندا جالعاسىن تابادى.
«بۇگىن الماتى قالاسىندا ءوتتى. اسكەري بولىمدە عانا اتالىپ وتپەسىن دەپ ءبىزدىڭ جانە ۇلتتىق ۇلاننىڭ قولباسشىلىعى وسىنداي شەشىم قابىلدادى. مىنە كوشەگە شىعىپ، الماتى قالاسىنىڭ قوناقتارى مەن تۇرعىندارىنا ونەرىمىزدى كورسەتتىك»، – دەدى 6654 اسكەري ءبولىمىنىڭ اسكەري وركەسترىنىڭ ديريجەرى سەرگەي گافاروۆ.