مەملەكەتتiك قىزمەتشi – قازاقستان رەسپۋبليكاسىنىڭ مەملەكەتتiك ورگاندارىندا بەلگiلەنگەن مەملەكەتتiك لاۋازىمدى اتقاراتىن جانە مەملەكەتتiڭ مiندەتتەرi مەن فۋنكسيالارىن iسكە اسىرۋ ماقساتىندا لاۋازىمدىق وكiلەتتiكتەردى جۇزەگە اسىراتىن تۇلعا رەتىندە انىقتالعان.
مەملەكەتتىك قىزمەت اتقارۋشىلارعا قوعام مەن مەملەكەت تاراپىنان ەرەكشە سەنىم ءبىلدىرۋ بولعاندىقتان مەملەكەتتىك قىزمەتشىلەردىڭ مورالدىق-ادەپتىلىك بەينەسىنە جوعارى تالاپتار قويىلادى جانە زاڭدىلىقتارعا سايكەس ولاردىڭ سىبايلاس جەمقورلىققا قارسى مىنەز-قۇلقىنا دا 2015 جىلعى 23 قاراشاداعى № 416-V قرز «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭىنىڭ 52 بابىنا سايكەس كەلەسى تالاپتار بەكىتىلگەن:
1. مەملەكەتتىك قىزمەتشىلەر سىبايلاس جەمقورلىق كورىنىستەرىنە قارسى تۇرۋعا، سىبايلاس جەمقورلىق قۇقىق بۇزۋشىلىقتارعا جول بەرمەۋگە ءتيىس.
2. مەملەكەتتىك قىزمەتشىلەر باسقا مەملەكەتتىك قىزمەتشىلەر تاراپىنان جاسالاتىن سىبايلاس جەمقورلىق قۇقىق بۇزۋشىلىق فاكتىلەرىنىڭ جولىن كەسۋگە ءتيىس.
3. ەگەر مەملەكەتتىك قىزمەتشىدە دايىندالىپ جاتقان، جاسالاتىن نەمەسە جاسالعان سىبايلاس جەمقورلىق قۇقىق بۇزۋشىلىق تۋرالى اقپارات بولسا، نەمەسە بۇزۋشىلىقتار جاساۋعا كوندىرۋ جاعدايلارى تۋرالى قۇقىق بۇزۋشىلىقتى بولعىزباۋ جانە توقتاتۋ جونىندەگى قاجەتتى شارالاردى قابىلداۋعا (باسشىلىققا، ۋاكىلەتتى مەملەكەتتىك ورگاندارعا) جازباشا اقپارات بەرۋگە مىندەتتى.
4. مەملەكەتتىك قىزمەتشىلەر جەكە جانە (نەمەسە) زاڭدى تۇلعالاردىڭ ءوز قۇقىقتارىن، بوستاندىقتارى مەن زاڭدى مۇددەلەرىن ىسكە اسىرۋىن قيىنداتاتىن ارەكەتتەرگە (ارەكەتسىزدىككە) جول بەرمەۋگە ءتيىس.
5. مەملەكەتتىك قىزمەتشىگە سىبايلاس جەمقورلىق جاسادى دەپ جاريالى تۇردە نەگىزسىز ايىپ تاعىلعان كەزدە ول وسىنداي ايىپتاۋدى انىقتاعان كۇننەن باستاپ ءبىر اي مەرزىمدە ونى تەرىسكە شىعارۋ جونىندەگى شارالاردى قابىلداۋعا ءتيىس.
سىبايلاس جەمقورلىقتىڭ كەسىرى تەك جەكە ادامدارعا عانا ەمەس، بۇكىل قوعامنىڭ، مەملەكەتتىڭ دامۋىنا، وسىپ-وركەندەۋىنە نۇقسان كەلتىرەتىنى بارشاعا بەلگىلى.
مەملەكەتتىك قىزمەت اتقاراتىن ءاربىر تۇلعا وسى ايقىندالعان تالاپتاردى ءوز وكىلەتتىگىن اتقارۋ بارىسىندا مىندەتتى تۇردە ۇستانىپ وتىرسا، بۇل دا ءبىزدىڭ ەلىمىزدىڭ سىبايلاس جەمقورلىققا قارسى كۇرەس ادىستەرىنىڭ ءبىر ەرەكشەلىگى رەتىندە سانالاتىنى ءسوزسىز.