بىلتىر مەملەكەتتىك قىزمەتكەرلەر وزدەرىنە بەرىلگەن 132 دانا سىيلىقتى ۋاكىلەتتى ورگانعا تاپسىرعان. ول زاتتار مەملەكەتتىك قىزمەتكەرلەرگە ءتۇرلى ءىس-شارالاردا، قابىلداۋلاردا جانە مەرەكەلەردە ۇسىنىلعان ەكەن.
سىيلىقتاردىڭ جالپى قۇنى 2،5 ملن تەڭگە شاماسىندا. ونىڭ كوبى كىتاپ، ساعات، كارتينا جانە كادەسىيلار. بيىل العاشقى توقساننىڭ وزىندە ماماندار مۇنداي 30-عا جۋىق سىي-سياپاتتان باس تارتقان، دەپ حابارلايدى Almaty-akshamy.kz 24.kz-كە سىلتەمە جاساپ.
ۋاكىلەتتى ورگانعا تاپسىرىلعان سىيلىقتار كەرى ساتىلىپ، قاراجات ەل قازىناسىنا اۋدارىلىپ جاتىر.
دانا مۇقاشيەۆا، ق ر قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتىنىڭ ءبولىم باسشىسى:
- مەملەكەتتىك قىزمەتشىلەر وكىلەتتى ورگانعا تاپسىرعان سىيلىقتى قابىلدانعان كۇننەن باستاپ، ءبىر اي ۋاقىت ىشىندە باعالاۋعا جىبەرىلەدى. ونىڭ نارىقتىق قۇنىن باعالانعان سوڭ، ءبىزدىڭ سايتقا سول ەسەپتى ەنگىزە وتىرىپ، ونى ءبىز ەلەكتروندى ساۋدا-ساتتىققا قويامىز. ەڭ كوپ 300 مىڭنىڭ اينالاسىندا بولعان. ولار Galaxy تەلەفونى جانە شۆەسيالىق مۋزىكالىق قوراپشا. 260 مىڭعا باعالانىپ، ساتىلدى ەلەكتروندى اۋكسيون ارقىلى.