قازاقستان پوليسياسى كۇنىنە وراي ءىىم قىزمەتكەرلەرى، ىشكى ىستەر ورگاندارى مەن ۇلتتىق ۇلاننىڭ ارداگەرلەرى، شەتەلدىك قۇقىق قورعاۋ ورگاندارىنىڭ وكىلدەرى، ۆەدومستۆو قوناقتارى قىزمەتتىك مىندەتتەرىن اتقارۋ كەزىندە قازا تاپقان قىزمەتكەرلەردى ەسكە الىپ، ەستەلىك تاقتاسىنا گۇل شوقتارىن قويدى.
ازاماتتاردىڭ قاۋىپسىزدىگى مەن قوعام تىنىشتىعىنىڭ كۇزەتىندە تۇرعان ساقشىلار كاسىبي مەرەكەگە وراي ماراپاتقا يە بولدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بۇل كۇنى سالا ارداگەرلەرىنە دە قوشەمەت كورسەتىلدى. حالىقارالىق سەرىكتەستىكتى نىعايتۋعا ۇلەس قوسىپ جۇرگەن شەتەلدىك مامانداردىڭ دا ەڭبەگى باعالاندى.
– قۇرمەتتى ارىپتەستەر! ءقادىرلى ارداگەرلەر! قازاقستان رەسپۋبليكاسى پوليسياسىنىڭ كۇنى قۇتتى بولسىن! بۇل مەرەكە زاڭ مەن ءتارتىپتىڭ، تىنىشتىق پەن قاۋىپسىزدىكتىڭ قورعاۋىندا تۇرعان ءتارتىپ ساقشىلارىنىڭ ەڭبەگىنە، ەرلىگىنە كورسەتىلگەن قۇرمەت دەپ بىلەمىز، – دەدى ىشكى ىستەر ءمينيسترى ەرجان سادەنوۆ. وفيسەرلەردى حالىق قاھارمانى قايىربەك سۇلەيمەنوۆ تە قۇتتىقتادى. عۇمىرىن ىشكى ىستەر ورگاندارىنا ارناعان ارداگەردىڭ بىلىكتىلىگى مەن تاجىريبەسى پوگوندى ازاماتتارعا ونەگە. – سىزدەرگە تابىس، باقىت، اماندىق پەن زور دەنساۋلىق تىلەيمىن! – دەدى ول.
سالتاناتتى شارا مەرەكەلىك كونسەرتكە ۇلاستى. قازاق ەستراداسىنىڭ جۇلدىزدارى ايبىندى ازاماتتارعا رۋحتى ءان ارناپ، كوتەرىڭكى كوڭىل كۇي سىيلادى.