قازىرگى قوعامدا مەملەكەتتىك قىزمەتكەرلەردىڭ ءرولى وتە ماڭىزدى ءارى كوپقىرلى. ولار تەك وزدەرىنىڭ فۋنكسيونالدىق مىندەتتەرىن ورىنداپ قانا قويماي، ازاماتتاردىڭ قۇقىقتارى مەن مۇددەلەرىن قورعاۋعا، حالىققا زاڭ تالاپتارىن دۇرىس قولدانۋ ءتارتىبىن تۇسىندىرۋگە، مەملەكەتكە دەگەن سەنىمدى ارتتىرۋعا، قوعاممەن ءتيىمدى قارىم-قاتىناس ورناتۋعا مىندەتتى.
ءاربىر مەملەكەتتىك قىزمەتكەر ءوز لاۋازىمدىق مىندەتتەرىن ورىنداۋمەن قاتار، ەتيكالىق نورمالاردى جانە مەملەكەتتىك قىزمەتكە قاتىستى زاڭنامالىق تالاپتاردى قاتاڭ ساقتاۋى ءتيىس. مەملەكەتتىك قىزمەتتە ءوزىن-وزى ۇستاۋدىڭ جوعارى ستاندارتتارى تالاپ ەتىلەدى، ولار ءارقاشان مادەنيەتتى، تۇتىنۋشىعا باعىتتالعان جانە كاسىبي دەڭگەيدە بولۋى كەرەك.
مەملەكەتتىك قىزمەتكە كىرگەندە، ءار كانديدات ارنايى شەكتەۋلەر قابىلدايدى جانە بۇل قىزمەتتىڭ جاۋاپكەرشىلىگىن تولىق ءتۇسىنۋى قاجەت. وسى ماقساتتا ەتيكا بويىنشا ۋاكىلەتتى وكىلدەر ينستيتۋتى قۇرىلدى. ولار پەرسونالمەن جۇمىس ىستەۋ، سىبايلاس جەمقورلىققا قارسى ءىس-شارالار ۇيىمداستىرۋ، ازاماتتاردىڭ جانە قىزمەتكەرلەردىڭ شاعىمدارىن قاراۋ، ۇجىمدا قولايلى مورالدىق-پسيحولوگيالىق احۋال قالىپتاستىرۋعا جاۋاپتى.
دەپارتامەنت مەملەكەتتىك قىزمەتكەرلەردىڭ زاڭدا كوزدەلگەن شەكتەۋلەردى جانە ەتيكالىق نورمالاردى ساقتاۋىن قامتاماسىز ەتۋ ماقساتىندا ۇنەمى ءتۇسىندىرۋ جۇمىستارىن جۇرگىزەدى. سونداي-اق، قۇمار ويىندارعا قاتىستى زاڭنامالىق اكتىلەرگە وزگەرىستەر ەنگىزىلگەنىن جانە ويىن بيزنەسىمەن اينالىسۋعا تىيىم سالىنعانىن ەسكە سالدى. ءجيى كەلىپ تۇسەتىن شاعىمدار – دەمالىس بەرۋ، سىياقى بەرۋ جانە قىزمەتكەرلەرگە ادىلەتسىز جازا قولدانۋ ماسەلەلەرى بويىنشا.
سونىمەن قاتار، «تالىمگەرلەر كەڭەسى» اياسىندا جاس باسشىلاردى قولداۋ جانە ولاردىڭ قىزمەتكە بەيىمدەلۋىنە كومەك كورسەتۋ ماقساتىندا ارنايى كەزدەسۋلەر وتكىزىلەدى. بۇگىنگى تاڭدا كەڭەس مۇشەلەرى ب.جاپاروۆ پەن ب.كامالوۆتىڭ جۇمىس ناتيجەلەرى تىڭدالىپ، ۇجىمدا دۇرىس قارىم-قاتىناس ورناتۋ جانە جۇمىس ناتيجەلىلىگىن ارتتىرۋ باعىتىنداعى ۇسىنىستارى قارالدى.