مەملەكەتتىك كورپوراسيا زاڭ بۇزۋشىلىقتارمەن كۇرەستى كۇشەيتتى

2024 جىلدىڭ ءبىرىنشى توقسانىندا مەملەكەتتىك كورپوراسيا ءوز كۇشىمەن مەملەكەتتىك قىزمەت كورسەتۋ بارىسىندا تىركەلگەن 1319 بۇزۋشىلىقتى انىقتادى.

سالىستىرمالى تۇردە، وتكەن جىلدىڭ وسى كەزەڭىندە بۇل كورسەتكىش 249 بۇزۋشىلىقتى قۇراعان، دەپ حابارلايدى Almaty-akshamy.kz.

- مەملەكەتتىك كورپوراسيا انىقتالعان فاكتىلەردى قۇقىق قورعاۋ ورگاندارىنا بەرىپ، ناتيجەسىندە 12 قىلمىستىق ءىس قوزعالدى.

- «ازاماتتارعا ارنالعان ۇكىمەتتىڭ» 90 قىزمەتكەرى تارتىپتىك جاۋاپكەرشىلىككە تارتىلدى، 2 قىزمەتكەردىڭ لاۋازىمى تومەندەتىلدى، 9 قىزمەتكەرمەن ەڭبەك شارتى بۇزىلدى.

- بۇزۋشىلىقتار حقكو-لار مەن مامانداندىرىلعان حقكو-لار قىزمەتىندە، جىلجىمايتىن مۇلىكتى تىركەۋدە، جەر كاداسترىندا جانە ت. ب. بويىنشا انىقتالدى.

- بۇل فاكتىلەر بويىنشا الماتى قالاسى، الماتى، قوستاناي، شىعىس قازاقستان وبلىستارىندا سوتقا دەيىنگى تەرگەۋلەر جۇرگىزىلۋدە.

وسى ورايدا، مەملەكەتتىك كورپوراسيا سىبايلاس جەمقورلىققا نولدىك توزىمدىلىك قاعيداتىن ۇستاناتىنىن اتاپ ءوتۋىمىز كەرەك. قاۋىپسىزدىك قىزمەتىنىڭ ماماندارىمەن بۇزۋشىلىقتاردى اشۋ بويىنشا ۇلكەن جۇمىس جۇرگىزىلەدى. "ازاماتتارعا ارنالعان ۇكىمەت" قۇقىق قورعاۋ ورگاندارىمەن ءوزارا  تىعىز بايلانىستا جانە انىقتالعان قۇقىققا قارسى ءىس-قيمىلدار تۋرالى بارلىق فاكتىلەر دەرەۋ قاراستىرۋعا جىبەرىلەدى.

قازىرگى ۋاقىتتا "ازاماتتارعا ارنالعان ۇكىمەت" پەن ق ر قما اراسىندا بىرلەسكەن مەموراندۋم ازىرلەنۋدە. ول كولىك قۇرالدارىن مامانداندىرىلعان حقكو-لاردا زاڭسىز تىركەۋگە قارسى كۇرەس جۇرگىزۋ بارىسىندا تاراپتاردىڭ ىنتىماقتاستىعىن نىعايتۋعا جانە كۇش-جىگەرىن ۇيلەستىرۋگە باعىتتالعان.

سونىمەن قاتار، 2023 جىلدىڭ 16 قازانىنان باستاپ سىبايلاس جەمقورلىقتىڭ قۇرامداس بولىكتەرىن ازايتۋ ءۇشىن مەملەكەتتىك كورپوراسيا جۇرگىزۋشى كۋالىگىن الۋ ءۇشىن تاپسىرىلاتىن ەمتيحانداردىڭ وتكىزۋ ءتارتىبىن قاتاڭداتۋعا مۇمكىندىك بەرەتىن 3.0 ججە جۇيەسىن ەنگىزگەنىن ەسكە سالامىز.