مەملەكەتتىك كىرىستەر كوميتەتىنە جاڭا باسشى تاعايىندالدى

ول - ق ر قارجى ۆيسە-مينيسترى قىزمەتىنەن بوساتىلعان دانيار جانالينوۆ.

قارجى ءمينيسترىنىڭ بۇيرىعىمەن دانيار ەرەنعالي ۇلى جانالينوۆ مەملەكەتتىك كىرىستەر كوميتەتىنىڭ ءتوراعاسى قىزمەتىنە تاعايىندالدى، دەپ حابارلايدى Almaty-akshamy.kz

«ق ر قارجى ءمينيسترىنىڭ بۇيرىعىمەن دانيار ەرەنعالي ۇلى جانالينوۆ ق ر قارجى ۆيسە-مينيسترى قىزمەتىنەن بوساتىلىپ، ق ر قارجى مينيسترلىگى مەملەكەتتىك كىرىستەر كوميتەتىنىڭ ءتوراعاسى بولىپ تاعايىندالدى»، - دەلىنگەن حابارلامادا.

دانيار جانالينوۆ 1975 جىلى الماتى وبلىسىندا دۇنيەگە كەلگەن. قازاق كولىك جانە كوممۋنيكاسيا اكادەمياسىن بىتىرگەن.

ماماندىعى - ينجەنەر-ەكونوميست.

ەڭبەك جولىن 2000 جىلى تالدىقورعان قالاسى بويىنشا سالىق كوميتەتىنىڭ زاڭدى تۇلعالار سالىق ءاۋديتى سەكتورىنىڭ سالىق ينسپەكتورى قىزمەتىنەن باستاعان.

2002-2008 جج. الماتى وبلىسى بويىنشا سالىق كوميتەتىندە ءتۇرلى قىزمەتتەر اتقارعان.

2008-2010 جج. - الماتى وبلىسى بويىنشا سالىق دەپارتامەنتى باستىعىنىڭ ورىنباسارى.

2010-2014 جج. - ق ر قارجى مينيسترلىگى سالىق كوميتەتىنىڭ قۇرىلىمىندا باسشىلىق قىزمەتتە بولعان.

2014-2018 جج. - ق ر قارجى مينيسترلىگى مەملەكەتتىك كىرىستەر كوميتەتىنىڭ سولتۇستىك قازاقستان وبلىسى بويىنشا مەملەكەتتىك كىرىستەر دەپارتامەنتىنىڭ باسشىسى.