باستاۋىش جانە ورتا ءبىلىم بەرۋ ساپاسىن ارتتىرۋ، نەگىزگى ەرەجەلەردى وزەكتەندىرۋ ماقساتىندا مەملەكەتتىك جالپىعا مىندەتتى ءبىلىم ستاندارتى (مجمبس) ازىرلەندى.
مجمبس جوباسى ەكى جىل بويى پەداگوگيكالىق، ساراپتامالىق قوعامداستىقتاردىڭ، اتا-انالار قاۋىمداستىعىنىڭ، ۇكىمەتتىك ەمەس ۇيىمداردىڭ وكىلدەرىمەن جانە دەپۋتاتتارمەن تالقىلانا وتىرىپ جاسالدى، دەپ حابارلايدى aqshamnews.kz.
مجمبس جوباسىندا وقىتۋداعى قۇندىلىققا باعدارلانعان تاسىلگە جانە ءبىلىم بەرۋدەگى ينكليۋزيۆتى ءتاسىلدى ارتتىرۋعا باسا ءمان بەرىلگەن. جاڭا مجمبس جوباسىندا پاندەر مەن ساعاتتار سانى ساقتالاتىنىن اتاپ وتكەن ءجون.
ءبىلىم بەرۋ ستاندارتتارىن وزەكتەندىرۋ – ءبىلىم بەرۋ سالاسىنداعى زاماناۋي ۇردىستەردى ەسكەرۋگە مۇمكىندىك بەرەتىن جالپى قابىلدانعان الەمدىك تاجىريبە. ەستەرىڭىزگە سالا كەتەيىك، قازىرگى قولدانىستاعى مجمبس 2016 جىلدان كەزەڭ-كەزەڭىمەن ەنگىزىلگەن بولاتىن. جاڭا مجمبس اپروباسياسى 2025-2026 وقۋ جىلىندا باستالىپ، تولىق ىسكە اسىرۋ 2026-2027 جىلعا جوسپارلاندى.
