بۇگىننەن قالدىرماي تولەۋ كەرەك.
2024 جىلعا كولىك سالىعىن تولەۋ مەرزىمى 1 ساۋىردە اياقتالادى، دەپ حابارلايدى aqshamnews.kz
ەرتەڭنەن باستاپ كولىك سالىعىن ۋاقىتىلى تولەمەگەن جۇرگىزۋشىلەرگە سالىق بەرەشەگى تۋرالى حابارلاما جولدانادى. ال بەرەشەك سوماسى 1 اەك-تەن (3 932 تەڭگەدەن) اسىپ تۇرسا، سالىق بۇيرىعى شىعارىلىپ، سوت ورىنداۋشىلارىنا ماجبۇرلەپ ءوندىرىپ الۋعا جىبەرىلەدى. سالىق بويىنشا بارلىق قارىزدى 30 كۇننىڭ ىشىندە تولەۋ كەرەك.
زاڭناماعا سايكەس، سوت ورىنداۋشىلارى بانكتىك شوتتار مەن مۇلىكتى بۇعاتتاۋعا قۇقىلى. سونداي-اق، بەرەشەك سوماسى 40 اەك-تەن اسقان كەزدە ەل اۋماعىنان شىعۋعا تىيىم سالىنۋى مۇمكىن.
كولىك سالىعىن ەسەپتەۋ كەزىندە 2024 جىلى قولدانىستا بولعان 3 692 تەڭگە مولشەرىندەگى ايلىق ەسەپتىك كورسەتكىشتى نەگىزگە الادى. ونى kgd.gov.kz پورتالىندا جانە "e–Salyq Azamat" ءموبيلدى قوسىمشاسىندا كالكۋلياتوردىڭ كومەگىمەن دە ەسەپتەۋگە بولادى.