ءبىلىم جانە عىلىم مينيسترلىگى گرانت تاعايىنداۋ كونكۋرسىنا قاتىسۋ ءۇشىن قۇجات قابىلداۋ 25 شىلدەدە اياقتالادى دەپ جوسپارلاعان بولاتىن. الايدا 25 شىلدە جەكسەنبىگە سايكەس كەلگەندىكتەن، قۇجات قابىلداۋدى تاعى ءبىر كۇنگە سوزۋعا شەشىم قابىلدادى، دەپ حابارلايدى almaty-akshamy.kz
«تالاپكەرلەردەن قۇجات قابىلداۋ مەرزىمىن ۇزارتۋ تۋرالى وتىنىشتەر كەلىپ ءتۇستى. ويتكەنى قۇجات تاپسىرۋدىڭ سوڭعى كۇنى جەكسەنبىگە كەلەدى. وسىعان بايلانىستى بعم قۇجات قابىلداۋدى تاعى ءبىر كۇنگە – 26 شىلدەگە دەيىن ۇزارتۋ تۋرالى شەشىم قابىلدادى. قۇجاتتار جوعارى وقۋ ورىندارىنىڭ ۆيرتۋالدى قابىلداۋ كوميسسيالارى ارقىلى قابىلداناتىنىنا نازار اۋدارۋلارىڭىزدى سۇرايمىز»، - دەلىنگەن حابارلامادا.
تالاپكەرلەردىڭ دەنساۋلىعىن قورعاۋ ماقساتىندا ەلىمىزدىڭ بارلىق جوعارى وقۋ ورىندارىندا ۆيرتۋالدى قابىلداۋ كوميسسيالارى جۇمىس ىستەيدى. ولاردىڭ كومەگىمەن كونكۋرسقا قاتىسۋ ءۇشىن قۇجاتتاردى ونلاين فورماتتا تاپسىرۋعا بولادى.
ۆيرتۋالدى قابىلداۋ كوميسسيالارىنىڭ تىزىمىمەن http://testcenter.kz سايتىنان تانىسا الاسىزدار.