بارلىق تالاپكەر مەن ولاردىڭ اتا-اناسى مەملەكەتتىك گرانت كونكۋرسىنىڭ قورىتىندىسىن اسىعا كۇتتى.
عىلىم جانە جوعارى ءبىلىم مينيسترلىگى 2024-2025 وقۋ جىلىنا ارنالعان مەملەكەتتىك ءبىلىم گرانتى يەگەرلەرىنىڭ ءتىزىمىن جاريالادى، دەپ حابارلايدى aqshamnews.kz.
گرانتتاردى تاعايىنداۋ كونكۋرسىنا قاتىسۋ ءۇشىن 104 مىڭنان استام تالاپكەر قۇجات تاپسىردى. بۇل وتكەن جىلمەن سالىستىرعاندا 10 مىڭعا ارتىق.
مەملەكەتتىك گرانتتار رەسپۋبليكالىق كوميسسيا وتىرىسىنىڭ قورىتىندىسى بويىنشا تاعايىندالدى. كوميسسيا قۇرامىندا ق ر پارلامەنتىنىڭ دەپۋتاتتارى، مۇددەلى مەملەكەتتىك ورگانداردىڭ، بiلiم سالاسى كاسiپوداقتارىنىڭ، ق ر ۇلتتىق كاسiپكەرلەر پالاتاسىنىڭ، ق ر جوعارى وقۋ ورىندارىنىڭ اسسوسياسياسىنىڭ جانە قوعامدىق ۇيىمداردىڭ وكىلدەرى بولدى.
ءبىر گرانتتىق ورىنعا ەڭ ۇلكەن كونكۋرس «ستوماتولوگيا» بببت بويىنشا بولدى. بۇل ماماندىق بويىنشا 35 تالاپكەر ءبىر ورىنعا تالاستى. ارى قاراي «حالىقارالىق قاتىناستار جانە ديپلوماتيا» (11 ادام)، «دەنە شىنىقتىرۋ مۇعالىمدەرىن دايارلاۋ» (10 ادام)، «اۋدارما ءىسى» جانە «پسيحولوگيا» (9 ادام) بولدى.
گرانتقا ۇمىتكەرلەر اراسىندا بالدار تەڭدىگى جاعدايىندا باسىم قۇقىققا يە بولاتىن 22 مىڭنان استام تالاپكەر، ولاردىڭ ىشىندە «التىن بەلگى» يەگەرلەرى، حالىقارالىق جانە رەسپۋبليكالىق وليمپيادالاردىڭ جەڭىمپازدارى، وقۋ ۇزدىكتەرى بار. سونداي-اق، گرانتتاردى ۇيلەستىرۋ بارىسىندا الەۋمەتتىك وسال ساناتتاعى بالالاردىڭ كۆوتالارى ەسكەرىلدى.
جوعارى وقۋ ورىندارىنا قۇجاتتاردى تاپسىرۋ 25 تامىزعا دەيىن جۇزەگە اسىرىلادى.
ەستەرىڭىزگە سالا كەتسەك، گرانتتاردىڭ باسىم بولىگى ينجەنەرلىك جانە تەحنيكالىق باعىتتارعا بولىنگەن. مەملەكەت باسشىسىنىڭ تاپسىرماسىمەن العاش رەت ءىشىنارا وقۋ اقىسى بار سارالانعان گرانتتار ەنگىزىلدى. «پەداگوگيكالىق عىلىمدار» جانە «الەۋمەتتىك عىلىمدار، جۋرناليستيكا جانە اقپارات» باعىتتارى بويىنشا 150 سارالانعان گرانتتان بولىنگەن. سونداي-اق، «سەرپىن» باعدارلاماسى ارقىلى تۇسۋشىلەرگە 3 903 گرانت بولىنگەن. گرانتتار تىزىمىندە 5 000 حالىق تىعىز قونىستانعان جانە باتىس وڭىرلەردىڭ جاستارىن جەتەكشى جوعارى وقۋ ورىندارىندا وقىتۋ ءۇشىن ماقساتتى ءبىلىم بەرۋ گرانتى بار.
ق ر عىلىم جانە جوعارى ءبىلىم مينيسترلىگىنىڭ رەسمي رەسۋرستارى:
✅ https://www.gov.kz/memleket/entities/sci؟lang=kk
✅ https://t.me/gylym_jogary_bilim
✅ https://www.facebook.com/gylym.jogarybilim
✅ https://www.instagram.com/gylym_jogarybilim/
ۇلتتىق تەستىلەۋ ورتالىعىنىڭ رەسمي پاراقشالارى:
✅ https://t.me/uto92
✅ https://www.instagram.com/testcenterkz/؛
✅ https://www.facebook.com/testcenterkz.