بانك سەكتورىنا قاتىستى وزگەرىستەر ءسوز بولدى
ءماجىلىس دەپۋتاتى ايقىن قوڭىروۆ ەلدەگى قارجى نارىعىن وڭالتۋ ءۇشىن مەملەكەتتىك بانك قۇرۋدى ۇسىندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ونىڭ پايىمىنشا، بۇل بانك اۋىل شارۋاشىلىعى، قۇرىلىس جانە ونەركاسىپ سالاسىنا ماماندانعان بولۋى كەرەك.
«قازاقستان حالىق پارتياسىنىڭ فراكسياسى گەوساياسي سەبەپتەر مەن ەلدەگى بانك سالاسىن باسقارۋداعى السىزدىكتەردىڭ كەسىرىنەن بانك داعدارىسى بەلەڭ الىپ كەلەدى دەپ ەسەپتەيدى. دۇنيەجۇزىلىك ساۋدا ۇيىمىنا كىرگەنىمىزگە قاراماستان، رەسەيلىك بانكتەردەن باسقا ءىرى بانكتەر قازاقستاندا جۇمىس ىستەۋگە كىرگەن جوق. قازىرگى سانكسيالارعا دا سول رەسەيلىك بانكتەردىڭ ەنشىلەس بانكتەرى تاپ كەلىپ جاتىر. كەيىنگى بەس جىلدا قازاقستاننىڭ بانك سالاسىندا ولارعا تيەسىلى اكتيۆتەردىڭ كولەمى 15 پايىزعا دەيىن ءوستى. رەسەيلىك ەنشىلەس بانكتەردىڭ سالىمدارىنىڭ كولەمى 3 ترلن 500 ملرد تەڭگەگە دەيىن كوبەيدى»، - دەدى ايقىن قوڭىروۆ بۇگىن ءماجىلىستىڭ جالپى وتىرىسىندا.
وسىعان وراي ءبىرقاتار ۇسىنىس ايتىلدى.
«ءبىز جاھاندىق مونەتارلىق بيلىك وكىلدەرى رەسەي فەدەراسياسىنىڭ سەرىكتەس ەلدەردىڭ قارجىلىق سەكتورىنا سالاتىن سانكسيالاردى قانشالىقتى قاتايتاتىنىن بىلمەيمىز. قازاقستان وسى ساناتقا جاتادى. وسىعان بايلانىستى قازاقستان حالىق پارتياسى بانك سەكتورىن تۇبەگەيلى قايتا جۇكتەۋگە ۇندەيدى. سالىمشىلاردىڭ قۇقىقتارى مەن زاڭدى مۇددەلەرىن قورعاۋ ءتاسىلىن تۇبەگەيلى وزگەرتۋدى ۇسىنامىز. مەملەكەتتىك باعدارلامالار مەن ۇلتتىق جوبالاردى ىسكە اسىرۋ ءۇشىن مەملەكەت قاراجاتىن كوممەرسيالىق بانكتەر مەن كۆازيمەملەكەتتىك ينستيتۋتاتتار ارقىلى بولۋدەن باس تارتۋ قاجەت. قازاقستاندا اگروونەركاسىپ كەشەنى، قۇرىلىس جانە ونەركاسىپ سالالارىنداعى مەملەكەتتىك بانك قۇرۋدى ۇسىنامىز. ول بانكتىڭ باسىم باعىتى ۆاليۋتا بيرجاسىنداعى الىپساتارلىق پەن ۇلتتىق بانك ىشىندە سالىم قۇيۋ ەمەس، ەكونوميكانى دامىتۋ بولۋعا ءتيىس»، - دەدى دەپۋتات.