الماتىلىق مارحابا تۇرسىنبەكوۆا «Almaty Business – 2025» مەملەكەتتىك باعدارلاماسى بويىنشا 6%-بەن جەڭىلدەتىلگەن نەسيە الىپ، شاعىن ماركەت اشتى.
ساۋدا نۇكتەسىنىڭ ءبىر ەرەكشەلىگى – ءبىر بۇرىشىندا كوفەحانا بار.
«مەن مينيماركەتىمدى وزگەشە ەتىپ اشۋدى شەشتىم. قازىرگى ستيلدەگى ديزاين ەلەمەنتتەرىن پايدالانا وتىرىپ، ساۋداعا زاماناۋي كوزقاراسپەن كەلدىم. مەن وسى تۇرعىن ءۇي كەشەنىنىڭ تۇرعىندارى مەن ماڭايىمىزدا سالىنىپ جاتقان ءتۇرلى قۇرىلىستاردىڭ جۇمىسشىلارى ءۇشىن كىرەبەرىستەن كوفە ايماعىن جاسادىم. جۇمىس ىستەپ جاتقانىمىزعا ءبىر اي عانا بولدى، ءبىراق كوپتەگەن ادامعا ىستىق كوفە ۇسىنۋ ارقىلى ولارعا جايلىلىق، كوتەرىڭكى كوڭىل-كۇي سىيلاپ جۇرگەنىمىز انىق. تاڭىمىز جاقسى باستالسا، كۇنى بويعى تىرلىگىمىزدە دە بەرەكە بولارى ءسوزسىز»، – دەيدى «وحانا» شاعىن ماركەتىنىڭ يەسى ماركاۆا تۇرسىنبەكوۆا.
سونداي-اق، ول وسى ورايدا «Qoldaý» ورتالىعىنىڭ ۇلكەن قولداۋىن سەزىنگەنىن اتاپ ءوتتى. مەملەكەتتىك باعدارلامانىڭ كومەگىمەن 25 ملن. تەڭگە نەسيە العان مارحابا تۇرسىنبەكوۆا بۇگىندە 7 ادامدى تۇراقتى جۇمىسپەن قامتىپ وتىر. الداعى ۋاقىتتا «بيزنەستىڭ جول كارتاسى – 2025» باعدارلاماسى اياسىندا 2-5 ملن. تەڭگەگە دەيىنگى قايتارىمسىز گرانت بايقاۋىنا قاتىسىپ، جارتىلاي فابريكات ونىمدەرىن ءوندىرۋدى كوزدەپ وتىر.
تاقىرىپقا وراي ايتا كەتسەك، «Almaty Business – 2025» باعدارلاماسىنىڭ شارتتارى بويىنشا الماتى قالاسىنىڭ كاسىپكەرلەرىنە 500 مىڭ تەڭگەدەن 58 340 000 تەڭگەگە دەيىن، سىياقى مولشەرلەمەسى 2% (كوپبالالى از قامتىلعان وتباسىلار، I جانە II توپتاعى مۇگەدەكتەر، مۇگەدەك بالالار تاربيەلەپ وتىرعان وتباسىلار جانە ونەركاسىپتىك پاركتەردىڭ رەزيدەنتتەرى ءۇشىن) جانە 6% (قارىز الۋشىلاردىڭ بارلىق باسقا ساناتتارى ءۇشىن) بولاتىن 3 جىلعا (اينالىم قاراجاتىن تولىقتىرۋعا) جانە 7 جىلعا دەيىن (نەگىزگى قاراجاتقا) كرەديت بەرىلەدى.
مىنە، مەملەكەتكە ماسىل بولماي، ءوز بەتىمشە ارەكەت ەتىپ، كۇن كورەمىن دەگەن كەز-كەلگەن ىسكەر جانعا مەملەكەت قولداۋى وسىنداي.