جەرلەستەر جارادى
ۇلتتىق وليمپيادا كوميتەتى دەرەگىنشە، بانگلادەشتە ءوتىپ جاتقان ساداق اتۋدان ازيا چەمپيوناتىندا قازاقستان كومانداسىنىڭ قورجىنىنا العاشقى مەدال ءتۇستى، دەپ حابارلايدى Almaty-akshamy.kz
كلاسسيكالىق ساداق اتۋدان كوماندالىق جارىستا قازاقستان قىزدار كومانداسى قولا جۇلدەگەر اتاندى.
روكسانا يۋنۋسوۆا، ۆيكتوريا ليان جانە ديانا ماكارچۋك ۇشتىگى كىشى فينالدا ءۇندىستان كومانداسىمەن كەزدەسىپ، 220:208 ەسەبىمەن جەڭىسكە جەتتى. وسىلايشا، قۇرلىق دوداسىنىڭ قولا مەدالىن ەنشىلەپ وتىر.
ال ەرلەر اراسىنداعى سىندا سانجار مۇسايەۆ، يلفات ابدۋللين جانە داۋلەتكەلدى جاڭبىرباي بانگلادەش كومانداسىنا 2:6 ەسەبىمەن جول بەردى.