ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ۇجىمعا «مەملەكەتتىك الەۋمەتتىك ساقتاندىرۋ قورى» اق باس ديرەكتورى بولىپ تاعايىندالعان ارعىنعازينوۆ ايبول ارعىنعازىۇلىن تانىستىردى، دەپ حابارلايدى almaty-akshamy.kz
ارعىنعازينوۆ ايبول ارعىنعازى ۇلى جەتىسۋ وبلىسىندا دۇنيەگە كەلگەن. پرەزيدەنتتىك جاستار كادرلىق رەزەرۆىنىڭ مۇشەسى.
ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ەكونوميكا فاكۋلتەتىن، «جوعارعى ەكونوميكا مەكتەبى» ۇلتتىق زەرتتەۋ ۋنيۆەرسيتەتىنىڭ (ماسكەۋ ق.) ەكونوميكا عىلىمدارى فاكۋلتەتىن ءتامامداعان.
ەڭبەك جولىن ق ر ۇلتتىق ەكونوميكا مينيسترلىگىندە ساراپشى بولىپ باستاعان، ءار جىلدارى «قازكونتەنت» اق ءبولىم باسشىسى، «ەكونوميكالىق زەرتتەۋلەر ينستيتۋتى» اق تالداۋ جانە الەمدىك ەكونوميكا ورتالىعىنىڭ ديرەكتورى، ق ر ۇلتتىق ەكونوميكا ءمينيسترىنىڭ كەڭەسشىسى، ق ر پرەزيدەنتى اكىمشىلىگى باسشىسى حاتشىلىعىنىڭ سەكتور مەڭگەرۋشىسى بولعان.
2022 جىلدان ق ر قارجى مينيسترلىگى بيۋدجەتتىك كرەديتتەۋ، قازاقستان رەسپۋبليكاسىنىڭ ۇلتتىق قورى جانە قارجى سەكتورى ماسەلەلەرى بويىنشا ءوزارا ءىس-قيمىل دەپارتامەنتىنىڭ ديرەكتورى بولىپ ەڭبەك ەتتى.