حوككەيشىلەر جۇدىرىقتاسىپ قالدى

Instagram الەۋمەتتىك جەلىسىندە تارالعان بەينەجازبادان ءمالىم بولعانىنداي، بورتتىڭ سىرتىندا بولعان حوككەيشىلەر بىر-بىرىنە جۇدىرىق سىلتەگەن، دەپ حابارلايدى اlmaty-akshamy.kz.

مالىمەت كوزىنە قاراعاندا، سودان كەيىن ولاردىڭ كوماندالاستارى اراشالاۋعا ۇمتىلعان. مىنبەدەگى ادامدار دا ارالاسقان.

ماچ 3:0 ەسەبىمەن ورالدىقتاردىڭ پايداسىنا اياقتالعان.

قىسقى سپورت تۇرلەرى بويىنشا وبلىستىق بالالار-جاسوسپىرىمدەر سپورت مەكتەبىنىڭ ديرەكتورى الەكساندر كاراكۋشييەۆتىڭ تۇسىندىرۋىنشە، ەكىنشى كەزەڭنىڭ اياقتالۋىنا ساناۋلى مينۋتتار قالعاندا، ءار كوماندادان ءبىر-بىر ويىنشىدان باس تورەشىنىڭ شەشىمىمەن باسەكەنىڭ سوڭىنا دەيىن ايدىننان قۋىلعان.

«ەكى ويىنشى كيىمدەرىن اۋىستىرىپ كەلگەننەن كەيىن بىر-بىرىمەن توبەلەسكەن. ولاردى ايىرۋعا تاعى بىرەۋى كىرىسكەن. ارنايى جاساق جاۋىنگەرلەرى ويىنشىلاردىڭ اراسىندا بولعان جانجالدى دەر كەزىندە باستى»، - دەدى ا.كاراكۋشييەۆ.

بقو پوليسيا دەپارتامەنتىنىڭ باسپا ءسوز قىزمەتى 18 اقپان كۇنى بولعان وقيعانى راستاپ، اتالمىش سارايدا قوعامدىق ءتارتىپتى ساقتاۋعا پوليسيا قىزمەتكەرلەرىنىڭ تارتىلعانىن جەتكىزدى.

«انىقتالعانىنداي، ايدىننان قۋىلعاننان كەيىن كوماندالاردىڭ بىرنەشە ويىنشىسى توبەلەسكەن. ولاردى پوليسيا قىزمەتكەرلەرى ايىردى. كوماندالارمەن پروفيلاكتيكالىق اڭگىمە جۇرگىزىلدى»، - دەپ حابارلادى ۆەدومستۆودان.