ەلىمىزدىڭ زاڭىنا سايكەس مۇنىمەن قايتارىلعان اكتيۆتەردى باسقارۋ جونىندەگى كومپانيا (جىلجىمالى جانە جىلجىمايتىن مۇلىكتى ساتىپ، جالعا بەرەدى) جانە ارناۋلى مەملەكەتتىك قور (ق ر قارجى مينيسترلىگىندە اشىلعان قولما-قول اقشانى باقىلاۋ شوتى) اينالىسادى، دەپ حابارلايدى aqshamnews.kz قارجى مينيسترلىگىنە سىلتەمە جاساپ.
2023 جىلعى قىركۇيەكتە قايتارىلعان اكتيۆتەردى باسقارۋ جونىندەگى كومپانيا قۇرىلدى (ءقرۇ 2023 جىلعى 21 قىركۇيەكتەگى № 824 قاۋلىسى) جانە باسقارۋشى كومپانياعا بەرىلگەن اكتيۆتەردى باسقارۋ قاعيدالارى بەكىتىلدى (ق ر قم 2023 جىلعى 5 قازانداعى № 1061 بۇيرىعى).
سونداي - اق، «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» ق ر زاڭىن (بۇدان ءارى – زاڭ) ىسكە اسىرۋعا قاجەتتى زاڭنامالىق بازا قابىلداندى، ارنايى شوت - ارناۋلى مەملەكەتتىك قور اشىلدى.
ارناۋلىمەمقور بويىنشا.
ارناۋلى مەملەكەتتىك قور بۇل قازاقستان رەسپۋبليكاسىنىڭ بيۋدجەت كودەكسىنە سايكەس قازاقستان رەسپۋبليكاسىنىڭ قارجى مينيسترلىگىندە قازاقستان رەسپۋبليكاسىنىڭ الەۋمەتتىك، ەكونوميكالىق جوبالارىن، سونداي-اق قازاقستان رەسپۋبليكاسىنىڭ زاڭناماسىندا ايقىندالعان تارتىپپەن اكتيۆتەردى قايتارۋ جونىندەگى ۋاكىلەتتى ورگاننىڭ شىعىستارىن قارجىلاندىرۋ ماقساتىندا اقشانىڭ تۇسىمدەرى مەن شىعىستارىن ەسەپتەۋ ءۇشىن اشىلعان قولما-قول اقشانى باقىلاۋ شوتى.
ارناۋلىمەمقور قاراجاتىنىڭ تۇسىمدەرى مەن جۇمسالۋى تۋرالى اقپاراتتى ق ر قارجى مينيسترلىگى جىل سايىن جاريالاۋعا ءتيىس.
ارناۋلى مەملەكەتتىك قوردىڭ تۇسىمدەرى، ونىڭ ىشىندە زاڭدا جانە قازاقستان رەسپۋبليكاسىنىڭ باسقا دا زاڭدارىندا بەلگىلەنگەن تارتىپپەن قايتارىلعان مۇلىكتى وتكىزۋدەن تۇسكەن اقشا، سونداي-اق باسقارۋشى كومپانيانىڭ مەنشىگىنە نە ونىڭ ق ر زاڭناماسىنا سايكەس اكتيۆتەردى باسقارۋ جونىندەگى قىزمەتى ناتيجەسىندە تۇسكەن وزگە مۇلىكتى ساتۋدان تۇسكەن اقشا بولىپ تابىلادى.
2024 جىلعى 9 قىركۇيەكتەگى جاعداي بويىنشا ارناۋلىمەمقور تۇسىمدەر 176،3 ملرد تەڭگەنى قۇرايدى، ونىڭ ىشىندە باسقارۋشى كومپانيادان تۇسكەن قاراجات 5،7 ملرد تەڭگە، ونىڭ ىشىندە اكتيۆتەردى ساتۋدان 5،559 ملرد تەڭگە جانە اكتيۆتەردى باسقارۋدان (جالعا بەرۋ) 141 ملن تەڭگە.
ارناۋلىمەمقوردىڭ قاراجاتىن ءبولۋ ورتالىق مەملەكەتتىك ورگانداردىڭ ۇسىنىستارىن مىندەتتى تۇردە ق ر بيۋدجەت كودەكسىنە سايكەس رەسپۋبليكالىق بيۋدجەت كوميسسياسىندا قاراۋمەن جۇزەگە اسىرىلادى.
ارناۋلىمەمقوردىڭ قاراجاتى الەۋمەتتىك جانە ەكونوميكالىق جوبالاردى قارجىلاندىرۋعا جۇمسالاتىن بولادى. قور قاراجاتى ەسەبىنەن قارجىلاندىرۋ ءۇشىن جوبالاردى ىرىكتەۋ جانە ولاردىڭ ولشەمشارتتارىن ايقىنداۋ ءتارتىبى الەۋمەتتىك جانە ەكونوميكالىق جوبالاردى ىرىكتەۋ جانە ولشەمشارتتارىن ايقىنداۋ قاعيدالارىندا ايقىندالعان (ق ر ۇلتتىق ەكونوميكا ءمينيسترىنىڭ 2023 جىلعى 20 قىركۇيەكتەگى №165 بۇيرىعىمەن بەكىتىلگەن). وسى قاعيدالارعا سايكەس مەملەكەتتىك ورگاندار ازىرلەگەن جوبالار ق ر ۇلتتىق ەكونوميكا مينيسترلىگىنىڭ ەكونوميكالىق ساراپتاماسىنا جاتاتىن بولادى، بۇدان ءارى جوبالاردى قور قاراجاتى ەسەبىنەن قارجىلاندىرۋ ماسەلەسى ق ر قارجى مينيسترلىگى رەسپۋبليكالىق بيۋدجەت كوميسسياسىنىڭ قاراۋىنا شىعاراتىن بولادى.
ارناۋلىمەمقور قاراجاتىن پايدالانۋ جانە مونيتورينگىلەۋ ءتارتىبى قور قاراجاتىن پايدالانۋ جانە مونيتورينگىلەۋ قاعيدالارىندا ايقىندالعان (ق ر قارجى ءمينيسترىنىڭ مىندەتىن اتقارۋشىنىڭ 2023 جىلعى 29 قىركۇيەكتەگى №1033 بۇيرىعىمەن بەكىتىلگەن).
ق ر قارجى مينيسترلىگى اي سايىن ارناۋلىمەمقوردىڭ شوتىنا قاراجات تۇسىمدەرىنىڭ مونيتورينگىن جۇرگىزەتىن بولادى، ول ورتالىق مەملەكەتتىك ورگانداردىڭ/جاو شوتتارىنا تۇسكەن قاراجاتتىڭ ۋاقتىلى پايدالانىلۋىن باقىلاۋدان تۇرادى (6 اي ىشىندە قاراجات پايدالانىلماعان جاعدايدا، قاراجات قوردىڭ شوتىنا قايتارىلادى).
باسقارۋشى كومپانيا بويىنشا.
«قايتارىلعان اكتيۆتەردى باسقارۋ كومپانياسى» ج ش س (بۇدان ءارى - باسقارۋشى كومپانيا) زاڭ شەڭبەرىندە مەملەكەتكە قايتارىلعان، وتەۋسىز بەرۋ تۋرالى شارتتار شەڭبەرىندە بەرىلەتىن اكتيۆتەردى، ونىڭ ىشىندە قازاقستان رەسپۋبليكاسىنداعى جانە ودان تىس جەرلەردەگى جىلجىمالى جانە جىلجىمايتىن مۇلىك وبەكتىلەرىن قابىلداۋ بويىنشا جۇمىس جۇرگىزىلۋدە.
«باسقارۋشى كومپانياعا بەرىلگەن اكتيۆتەردى باسقارۋ قاعيدالارىن بەكىتۋ تۋرالى» ق ر پرەمەر-مينيسترى ورىنباسارىنىڭ – قارجى ءمينيسترىنىڭ 2023 جىلعى 5 قازانداعى №1061 بۇيرىعىمەن (بۇدان ءارى - قاعيدالار) زاڭعا سايكەس قايتارىلعان اكتيۆتەردى باسقارۋ ءتارتىبى بەكىتىلدى.
كورسەتىلگەن قاعيدالارعا سايكەس اكتيۆتەردى ساتۋ قوردى تولىقتىرۋ ماقساتىندا جۇزەگە اسىرىلادى جانە باسقارۋشى كومپانيانى ونىڭ مۇلكىنىڭ قۇرامىنا تۇسكەن اكتيۆتەردى باسقارۋدىڭ نەگىزگى ماقساتى بولىپ تابىلادى. بۇل رەتتە، اكتيۆتەردى ساتقانعا دەيىن مۇلىكتىك جالداۋ (جالداۋ)، سەنىمگەرلىك باسقارۋ سياقتى اكتيۆتەردى باسقارۋ تاسىلدەرى قولدانىلۋى مۇمكىن، سونداي-اق باسقارۋشى كومپانيا ايقىندايتىن، ق ر زاڭناماسىنا جانە اكتيۆ ورنالاسقان ەلدىڭ زاڭناماسىنا قايشى كەلمەيتىن وزگە دە تاسىلدەر كوزدەلۋى مۇمكىن.
سونىمەن قاتار، مەملەكەت مۇددەلى اكتيۆتەر مەملەكەت مەنشىگىنە بەرىلۋى مۇمكىن.
2024 جىلعى 9 قىركۇيەكتەگى جاعداي بويىنشا باسقارۋشى كومپانيانىڭ بالانسىنا بەرىلەتىن اكتيۆتەر بويىنشا اقپارات مىناداي: جالپى سوماسى 46،9 ملرد تەڭگەگە 219 اكتيۆكە، ونىڭ ىشىندە 196 زەرگەرلىك بۇيىمدار جانە 23 وزگە اكتيۆتەر (تۇرعىن جانە كوممەرسيالىق جىلجىمايتىن مۇلىك، وندىرىستىك بازا، تۇرعىن ەمەس ءۇي-جايلار، زاڭدى تۇلعانىڭ جارعىلىق كاپيتالدارىنا قاتىسۋ ۇلەستەرى، اياقتالماعان قۇرىلىس، جەر ۋچاسكەلەرى، جىلجىمايتىن مۇلىك وبەكتىسىنىڭ تاۋارلىق-ماتەريالدىق قۇندىلىقتارى مەن نەگىزگى قۇرالدارى) باسقارۋشى كومپانيانىڭ مەنشىك قۇقىعى تىركەلگەن، بالانسقا قويۋ جۇزەگە اسىرىلدى. جالپى قۇنى 38،2 ملرد تەڭگە (ۆيللالار، اۆتوكولىكتەر، پاتەرلەر، قويمالىق ءۇي-جايلار، تۇراق ورىندارى، ۇيلەر، اياقتالماعان قۇرىلىس) اكتيۆتەردى بەرۋ شارتتارىنا قويىلدى، 0،39 ملرد تەڭگە سوماعا زاڭدى تۇلعانىڭ جارعىلىق كاپيتالىنا قاتىسۋ ۇلەسى بەرۋ پروسەسىندە.
قازاقستانداعى اكتيۆتەر مەملەكەتتىك مۇلىك ءتىزىلىمىنىڭ پورتالىندا www.e-qazyna.kz ساتىلادى.
شەتەلدە ورنالاسقان اكتيۆتەردى ساتۋ اكتيۆ ورنالاسقان ەلدىڭ زاڭناماسى شەڭبەرىندە جۇزەگە اسىرىلادى.
بۇگىنگى تاڭدا استانا جانە الماتى قالالارىندا 13 جىلجىمايتىن مۇلىك وبەكتىسى ساۋدا-ساتتىققا قويىلدى.
ونىڭ ىشىندە 3 وبەكت اۋكسيوندا 1،8 ملرد تەڭگەدەن استام جالپى سوماعا ساتىلدى (1،2 ملرد تەنگە قاراجات قورعا اۋدارىلدى، 1 وبەكت بويىنشا تولەم مەرزىمى كەلگەن جوق).
اۋكسيون باستالعان ساتتە تىركەلگەن قاتىسۋشىلاردىڭ بولماۋىنا بايلانىستى 10 جىلجىمايتىن مۇلىك وبەكتىسى بويىنشا ساۋدا-ساتتىق وتكەن جوق.
شەتەلدىك اكتيۆتەردەن 4، 518 ملرد تەڭگە سوماعا 2 اۆتوموبيل، 2 تۇرعىن ءۇي، پاتەر ساتىلدى.
باسقارۋشى كومپانيا 6، 381 ملرد تەڭگە سوماعا اكتيۆتەر ساتتى.
بۇدان باسقا، قاعيدالارعا سايكەس باسقارۋشى كومپانيا زاڭعا سايكەس ونىڭ مۇلكىنىڭ قۇرامىنا تۇسكەن اكتيۆتەر تۋرالى اقپاراتتى ءتىزىلىمنىڭ ۆەب-پورتالىندا (ينتەرنەت جەلىسىندە ورنالاسقان ينتەرنەت-رەسۋرس) ورنالاستىرادى www.e-qazyna.kz).
قوعامنىڭ قىزمەتىنىڭ اشىقتىعى مەن ەسەپتىلىگىن قامتاماسىز ەتۋ ماقساتىندا باسقارۋشى كومپانيادا قامقورشىلىق كەڭەس قۇرىلدى، ونىڭ قۇرامىنا قازاقستان رەسپۋبليكاسى پارلامەنتىنىڭ دەپۋتاتتارى، جۇرتشىلىق وكىلدەرى جانە تاۋەلسىز ساراپشىلار كىردى.
قامقورشىلىق كەڭەستىڭ ۇسىنىسى بويىنشا جىلدىق قارجىلىق ەسەپتىلىككە اۋديت جۇرگىزۋ ءۇشىن باسقارۋشى كومپانيا ءۇش جىلدا ءبىر رەتتەن ءجيى ەمەس اۋديتورلىق ۇيىمدى تارتا الادى.
بۇدان باسقا، باسقارۋشى كومپانيانىڭ قىزمەتى ق ر جوعارى اۋديتورلىق پالاتاسىنىڭ جىل سايىنعى اۋديتىنە جاتادى.
تۇتاس العاندا، قابىلدانعان نورماتيۆتىك قۇقىقتىق اكتىلەردە ارناۋلىمەمقور قاراجاتىنىڭ تۇسىمدەرى مەن شىعىستارىنىڭ جانە باسقارۋشى كومپانيا قىزمەتىنىڭ اشىقتىعى ءتيىستى دارەجەدە قامتاماسىز ەتىلگەن.