اقش-تىڭ ۆەرمونت جانە ماسساچۋسەتس شتاتتارىندا دەنساۋلىق ساقتاۋ دەپارتامەنتى تۇرعىندارعا جۇقپالى ۆيرۋستىڭ تارالۋىنا بايلانىستى كەشكى ساعات 6-دان كەيىن ۇيدەن شىقپاۋعا كەڭەس بەردى. سيرەك كەزدەسەتىن، ادام ومىرىنە ءقاۋىپتى ۆيرۋس ماسا ارقىلى تارالىپ جاتىر، دەپ حابارلايدى aqshamnews.kz Lenta.ru-عا سىلتەمە جاساپ.
«شىعىس جىلقى ەنسەفالوميەليتى» (VEL) دەپ اتالاتىن بۇل اۋرۋمەن نەگىزىنەن جىلقىلار اۋىرادى. ادامعا كوبىنەسە ماسا ارقىلى جۇعاتىن كورىنەدى. ۆيرۋس ادام اعزاسىنا تۇسكەن كەزدە مي ءىسىنىپ كەتەدى. مۇنىمەن اۋىرعانداردىڭ 30 پايىز جاعدايى ولىممەن اياقتالادى.
دارىگەرلەر 14 قالادان VEL تاسىمالدايتىن ماسالاردىڭ 47 توبىن تاپقان. اقش تا ورتاشا ەسەپپەن بۇل اۋرۋمەن جىلىنا 11 ادام اۋىرادى. 2023 جىلى نيۋ-گەمپشير شتاتىندا ۆيرۋس جۇقتىرعان ەر ادامدى دارىگەرلەر قۇتقارىپ قالا الماعان.
اتالعان شتاتتاردا قوعامدىق ءىس شارالار كەيىنگە شەگەرىلدى.