تولەنبەگەن سالىقتار كامەرالىق باقىلاۋ جانە سالىقتىق تەكسەرۋ اياسىندا بارلىق كونتراگەنتتەن وندىرىلەدى.
قما 2020-2021 جىلدار ارالىعىندا كولەڭكەلى ەكونوميكا سالاسىندا اۋىر قىلمىستار جاساعان ءبىر توپ تۇلعانى انىقتادى، دەپ حابارلايدى Almaty-akshamy.kz
ازامات حان ۆ.ۆ. باسقارعان قىلمىستىق توپ كليەنتتەرىن بيۋدجەتكە سالىق تولەۋدەن بوساتۋ ماقساتىندا باقىلاۋداعى 7 زاڭدى تۇلعانىڭ كونتراگەنتتەرىنە جالعان شوت-فاكتۋرالار جازىپ بەرگەن. ولار وسى ارەكەتتەرىمەن مەملەكەتكە 490 ميلليون تەڭگەدەن استام سوماعا اسا ءىرى كولەمدە زيان كەلتىردى.
ۆەدومستۆونىڭ مالىمدەۋىنشە، سوت باستى ايىپتالۋشى حان ۆيتاليي ۆاسيليەۆيچتى 4 جىلعا باس بوستاندىعىنان ايىرۋعا، ال زاڭسىز اقشا جيناۋمەن اينالىسقان ەكى ادامدى شارتتى تۇردە باس بوستاندىعىنان ايىرۋعا ۇكىم شىعاردى.
ءۇش ايىپتالۋشىعا دا ۇزاق مەرزىمگە كوممەرسيالىق ۇيىمداردا باسشىلىق قىزمەتتەردى، ونىڭ ىشىندە شوت-فاكتۋرالاردى بەرۋگە بايلانىستى لاۋازىمداردى اتقارۋعا تىيىم سالىندى.