قازاقستان حالقى اسسامبلەياسىنىڭ «بىرلىك. جاسامپازدىق. ورلەۋ» اتتى ءحححىىى سەسسياسىندا قاسىم-جومارت توقايەۆ بۇقارالىق اقپارات قۇرالدارى مەن بلوگەرلەردىڭ ارەكەتىنە قاتىستى پىكىرىن ايتتى، دەپ حابارلايدى Almaty-akshamy.kz.
«بۇقارالىق اقپارات قۇرالدارى جانە وزدەرىن بلوگەر سانايتىن كەيبىر ازاماتتار تابيعات اپاتىنا قاتىستى دۇربەلەڭ تۋدىرىپ بايبالام سالۋ، بيلىكتى ورىنسىز ايىپتاۋ قوعامدى ورتاق ىسكە ۇيىستىرۋعا بوگەت بولاتىنىن، مەملەكەتتىك ورگاندار احۋالدى ۋىسىنان شىعارىپ الدى دەگەن جالعان ۇعىم قالىپتاستىراتىنىن تۇسىنۋگە ءتيىس. مۇنداي ارەكەت الەۋمەتتىك كۇيزەلىس تۋدىرادى. ونىڭ سالدارى حالقىمىزدىڭ ابىروي-بەدەلىنە نۇقسان كەلتىرەدى. سوندىقتان بيلىك وسىنداي كەلەڭسىز جاعدايلاردىڭ الدىن الۋ ءۇشىن مەملەكەت قاۋىپسىزدىگىنە قاتەر توندىرەتىندەرگە زاڭ جۇزىندە شارا قولدانادى»، - دەدى مەملەكەت باسشىسى.
پرەزيدەنت، سونىمەن بىرگە، بارلىق دەڭگەيدەگى بيلىك وكىلدەرى جۇرتشىلىقپەن، اسىرەسە، بەدەلدى ءارى جاۋاپكەرشىلىگى جوعارى بەلسەندى ازاماتتارمەن تىعىز بايلانىستا بولۋى كەرەكتىگىن ايتتى. ولار حالىقتىڭ پىكىرىنە قۇلاق اسۋى، ەڭ باستىسى، جەدەل جانە دۇرىس شەشىم قابىلداۋعا ءتيىس.
«ءقازىر مەملەكەت قوردالانىپ قالعان كوپتەگەن تۇيتكىلدىڭ ءتۇيىنىن تارقاتۋعا ءماجبۇر. ازاماتتاردىڭ باسىم كوپشىلىگى مۇنى تۇسىنەدى. ءبىر جاعىنان، ۇكىمەتتىڭ كوپتەگەن سالانى جانتالاسا رەتتەۋىنە تۋرا كەلىپ وتىر. ەكىنشى جاعىنان، ەلىمىزدىڭ تۇراقتى دامۋىنا مىقتى نەگىز قالىپتاستىرۋعا ءتيىس»، - دەدى پرەزيدەنت.