بۇل تۋرالى ەنەرگەتيكا ۆيسە-مينيسترى اسحات حاسەنوۆ مالىمدەدى.
بالامالى سالىق قازاقستاندا تاۋسىلىپ جاتقان كەن ورىندارىن يگەرىپ جاتقان ينۆەستورلار ءۇشىن ەنگىزىلۋى مۇمكىن، دەپ حابارلايدى Almaty-akshamy.kz
ونىڭ ايتۋىنشا، يگەرۋدىڭ كەش كەزەڭدەرىندەگى كەن ورىندارىنا ينۆەستيسيا سالۋ ءۇشىن 2023 جىلى "جەر قويناۋى جانە جەر قويناۋىن پايدالانۋ تۋرالى" ق ر كودەكسىندە "سارقىلاتىن كەن ورىندارى" ۇعىمى، ولاردىڭ كريتەرييلەرى جانە ينۆەستوردىڭ قارسى مىندەتتەمەلەرى ەنگىزىلدى.
"اعىمداعى جىلى وسىنداي كەن ورىندارىن (307 مۇناي كەن ورنىنان 24) جەر قويناۋىن پايدالانۋشىلارعا بالاما سالىقتى قولدانۋ ءۇشىن سالىق كودەكسىنە تۇزەتۋلەر كۇتىلۋدە. بۇل رەفورمانى تولىق ىسكە اسىرۋ گەولوگيالىق بارلاۋعا جىل سايىن 200 ملرد تەڭگەگە دەيىن ينۆەستيسيا سالۋعا، 2045 جىلعا دەيىن مۇناي ءوندىرۋدى +60 ملن تونناعا ۇلعايتۋعا جانە اعىمداعى جۇمىس ورىندارىن ساقتاۋعا سەرپىن بەرەدى"، دەدى اسحات حاسەنوۆ.
بيىلعى 7 اقپاندا ۇكىمەتتىڭ كەڭەيتىلگەن وتىرىسىندا مەملەكەت باسشىسى قازاقستاننىڭ جاڭا سالىق كودەكسىنىڭ جوباسىن سىنعا الدى. ونىڭ ايتۋىنشا، جاڭا سالىق كودەكسى ينۆەستورلار ءۇشىن قولايلى جاعداي جاساۋ مەن بيۋدجەتكە تۇسەتىن تۇسىمدەردىڭ قاجەتتى دەڭگەيىن ۇستاپ تۇرۋ اراسىنداعى اقىلعا قونىمدى تەڭگەرىمدى قامتاماسىز ەتۋى ءتيىس.