الماتىدا جىل باسىنان بەرى 7753 ازامات جالپى سوماسى 129 933 066 تەڭگەگە مەملەكەت كەپىلدىك بەرگەن زاڭ كومەگىن الدى.
وڭىرلىك كوممۋنيكاسيالار قىزمەتىنىڭ بريفينگىندە ادىلەت دەپارتامەنتىنىڭ وكىلدەرى زاڭگەرلىك كەڭەس الۋ ءتارتىبى تۋرالى ايتتى، دەپ حابارلايدى Almaty-akshamy.kz.
مەملەكەت كەپىلدىك بەرگەن زاڭ كومەگى – ونى الۋعا قۇقىعى بار جەكە جانە زاڭدى تۇلعالارعا كورسەتىلەتىن زاڭ كومەگى.
«كەپىلدەندىرىلگەن مەملەكەتتىك زاڭ كومەگى جانە ازاماتتارعا كەشەندى الەۋمەتتىك زاڭ كومەگىن كورسەتۋ - ادىلەت ورگاندارىنىڭ ماڭىزدى باعىتتارىنىڭ ءبىرى بولىپ تابىلادى. قازاقستان رەسپۋبليكاسىنىڭ ءاربىر ازاماتى ازاماتتىق، اكىمشىلىك جانە قىلمىستىق پروسەستەر شەڭبەرىندە بىلىكتى زاڭ كومەگىن الۋعا اجىراماس قۇقىققا يە. مەملەكەت قازاقستان ازاماتتارىنا ادىلدىك پەن زاڭ الدىنداعى تەڭدىك قاعيداتتارى نەگىزىندە بۇل قولداۋعا كەپىلدىك بەرەدى»، - دەدى الماتى قالاسى ادىلەت دەپارتامەنتى باسشىسىنىڭ ورىنباسارى قانات بازاربايەۆ.
مەملەكەت كەپىلدىك بەرگەن قۇقىقتىق كەڭەس بەرۋ تۇرىندەگى زاڭ كومەگى اليمەنت ءوندىرىپ الۋ، زەينەتاقى مەن جاردەماقى تاعايىنداۋ، وڭالتۋ، بوسقىن نەمەسە قانداس مارتەبەسىن الۋ، اتا-اناسىنىڭ قامقورلىعىنسىز قالعان كامەلەتكە تولماعاندارعا؛ جىنىستىق زورلىق-زومبىلىق قۇرباندارىن؛ ادام ساۋداسى، تەرروريزم اكتىسى قۇرباندارىنا نە وسى دەرەكتەرگە بايلانىستى ولاردىڭ قۇقىقتارى مەن زاڭدى مۇددەلەرىن قامتاماسىز ەتۋ جانە قورعاۋ ماسەلەلەرى بويىنشا ازاپتاۋعا ۇشىراعاندارعا؛ جەكە تۇلعالارعا اسىراۋشىسىنىڭ قايتىس بولۋىنان كەلتىرىلگەن زياندى وتەۋ ماسەلەلەرى بويىنشا؛ جەكە تۇلعالارعا جۇمىسىنا بايلانىستى، بولماسا، قىلمىستىق قۇقىقبۇزۋشىلىق سالدارىنان دەنساۋلىعىنا زاقىم كەلگەن جاعدايدا؛ ۇلى وتان سوعىسىنىڭ قاتىسۋشىلارى بولىپ تابىلاتىن جەكە تۇلعالارعا، جەڭىلدىكتەر بويىنشا ۇلى وتان سوعىسىنىڭ قاتىسۋشىلارىنا تەڭەستىرىلگەن ادامدارعا، سونداي-اق باسقا مەملەكەتتەر اۋماعىنداعى جاۋىنگەرلىك ءىس-قيمىلدار ارداگەرلەرىنە، مەرزىمدى قىزمەتتەگى اسكەري قىزمەتشىلەرگە، ءبىرىنشى جانە ەكىنشى توپ مۇگەدەكتىگى بار ادامدارعا كەلتىرىلگەن زياندى وتەۋ ماسەلەلەرى بويىنشا جەكە تۇلعالارعا جاسىنا بايلانىستى، كاسىپكەرلىك قىزمەتپەن بايلانىستى ەمەس ماسەلەلەر بويىنشا زەينەتكەرلەر؛ كاسىپكەرلىك قىزمەتپەن بايلانىستى ەمەس ماسەلەلەر بويىنشا كوپ بالالى وتباسىلارعا؛ جان باسىنا شاققانداعى ورتاشا تابىسى وبلىستاردا، رەسپۋبليكالىق ماڭىزى بار قالالاردا، استانادا بەلگىلەنگەن كەدەيلىك شەگىنەن ءبىر اي تومەن از قامتىلعان ادامدارعا (وتباسىلارعا) كاسىپكەرلىك قىزمەتپەن بايلانىستى ەمەس ماسەلەلەر بويىنشا كورسەتىلەدى.
سوتتاردا، قىلمىستىق قۋدالاۋ ورگاندارىندا، وزگە دە مەملەكەتتىك ورگاندار مەن مەملەكەتتىك ەمەس ۇيىمداردا جەكە تۇلعالاردىڭ مۇددەلەرىن قورعاۋ تۇرىندەگى مەملەكەت كەپىلدىك بەرگەن زاڭ كومەگى اكىمشىلىك جاۋاپكەرشىلىككە تارتىلعان ادامدارعا؛ تالاپ قويۋشىلار مەن جاۋاپ بەرۋشىلەرگە؛ قىلمىستىق-پروسەسسۋالدى زاڭناماعا سايكەس كۇدىكتىلەرگە، ايىپتالۋشىلارعا، سوتتالۋشىلارعا، سوتتالعاندارعا، اقتالۋشىلارعا جانە جابىرلەنۋشىلەرگە كورسەتىلەدى.
«جوعارىدا اتالعان بارلىق ازاماتتار تۇرعىلىقتى جەرى مەن ورنالاسقان جەرىنە قاراماستان قازاقستان رەسپۋبليكاسىنىڭ اۋماعىندا مەملەكەت كەپىلدىك بەرگەن زاڭ كومەگىن الۋعا قۇقىلى. مەملەكەت كەپىلدىك بەرگەن زاڭ كومەگىنە مۇقتاج ادامنىڭ مۇددەسى ءۇشىن وسىنداي كومەك كورسەتۋ تۋرالى وتىنىشپەن ونىڭ وكىلى زاڭداردا بەلگىلەنگەن تارتىپپەن جۇگىنە الادى»، - دەپ تولىقتىردى سپيكەر.
كەشەندى الەۋمەتتىك زاڭ كومەگى - بۇل زاڭ كومەگىن كورسەتۋ تۋرالى شارت نەگىزىندە ادۆوكاتتار ۇسىناتىن زاڭ كومەگىنىڭ ءتۇرى. ول قازاقستان رەسپۋبليكاسىنىڭ الەۋمەتتىك قورعاۋ تۋرالى زاڭناماسىن نەگىزگە الا وتىرىپ، وسى توپتاعى ادامدارعا ارنالعان. وسىلايشا، كازك كەلەسى ساناتتار بويىنشا كورسەتىلەدى:
-ارناۋلى الەۋمەتتىك قىزمەتتەرگە مۇقتاج ادامدار؛
-ارناۋلى الەۋمەتتىك كومەك الۋ قۇقىعى بار تۇلعالار؛
-ۇوس قاتىسۋشىلارى جىنە جەڭىلدىكتەر بويىنشا ولارعا تەڭەستىرىلگەن تۇلعالار؛
- ق ر اۋماعىنان تىس باسقا مەملەكەتتەردىڭ اۋماعىنداعى اسكەري قيمىلدارىنىڭ ارداگەرلەرى؛
- ءبىرىنشى جانە ەكىنشى توپ مۇگەدەكتەرىنە؛
- جاسى بويىنشا زەينەتكە شىققاندارعا؛
- ارناۋلى الەۋمەتتىك قىزمەت كورسەتۋ ورتالىقتارىندا تۇراتىن قارتتار مەن مۇگەدەكتىگى بار ادامدارعا.
- مۇگەدەكتىگى بار بالالاردى جالعىز تاربيەلەپ وتىرعان نەمەسە مۇگەدەكتىگى بار كامەلەتكە تولعان ادامداردىڭ قامقورلىعىنداعى ادامدارعا.
ازاماتتىق سوت ءىسىن جۇرگىزۋ شەڭبەرىندە كاسىپكەرلىك قىزمەتكە بايلانىستى داۋلار بويىنشا كەشەندى الەۋمەتتىك زاڭ كومەگى كورسەتىلمەيدى.
سونداي-اق، زاڭ كونسۋلتانتتارى كورسەتەتىن كەشەندى الەۋمەتتىك زاڭ كومەگىن الۋ ءۇشىن ازاماتتار الماتى قالاسىنىڭ ادىلەت دەپارتامەنتىنە جۇگىنە الادى.
«ازاماتتار «كەشەندى الەۋمەتتىك زاڭ كومەگى» قىزمەتىن الۋ ءۇشىن الماتى قالاسىنىڭ ادىلەت دەپارتامەنتىنە جۇگىنۋگە قۇقىلى، ونى زاڭ كونسۋلتانتتارى Pro bono تۇرىندە وتەۋسىز نەگىزدە كورسەتەتىن بولادى، بۇل زاڭ قوعامى وكىلدەرىنىڭ اراسىندا حالىقارالىق تاجىريبەدە بار جانە ونىڭ ىشىندە قازاقستان دا بار»، - دەپ تولىقتىردى سپيكەر.
زاڭگەرلىك كەڭەس الۋ ءۇشىن ادىلەت دەپارتامەنتىنە نەمەسە كەلەسى تەلەفون نومىرلەرى بويىنشا حابارلاسۋعا بولادى: 119 نەمەسە 1414 (قۇقىقتىق اقپاراتتىق قىزمەت).