الەمنىڭ جىلدام دامىپ كەلە جاتقان استانالارىنىڭ قاتارىنا كىرەتىن ەلوردامىز باسقا قالالاردىڭ دامۋىنا ۇلگى بولماق.
بۇل تۋرالى استانانىڭ باۋىرلاس قالالارى فورۋمىندا پرەزيدەنت قاسىم-جومارت توقايەۆ ايتتى، دەپ حابارلايدى Almaty-akshamy.kz.
«ورنىقتى دامۋ سالاسىنداعى بۇۇ ماقساتتارىنىڭ ءبىرى قالانى دامىتۋعا ارنالعان. بۇل كەزدەيسوق ەمەس. قازاقستاندا ءبىز وسى باعىتقا ەرەكشە نازار اۋدارامىز. الەمنىڭ جىلدام دامىپ كەلە جاتقان استانالارىنىڭ قاتارىنا كىرەتىن ەلوردامىز باسقا قالالاردىڭ دامۋىنا ۇلگى بولادى. وتكەن شيرەك عاسىردا ەلىمىزدىڭ باس قالاسىنىڭ اۋماعى 3 ەسە ۇلعايىپ، حالقىنىڭ سانى 4 ەسە ءوستى»، - دەدى قاسىم-جومارت توقايەۆ.
وسى ورايدا پرەزيدەنت قالانىڭ ەكونوميكالىق الەۋەتىنە توقتالدى.
«ساراپشىلاردىڭ بولجامى بويىنشا ەلوردا تۇرعىندارىنىڭ سانى 2030 جىلعا قاراي 2 ميلليونعا جەتەدى. ەل استاناسى مارتەبەسىنە يە بولعان ساتتەن بەرى قالانىڭ ەكونوميكالىق الەۋەتى 100 ەسەدەن استام ارتتى. ءقازىر قالا ەكونوميكاسى ەلدەگى جالپى ىشكى ءونىمنىڭ 10 پايىزدان استامىن قۇرايدى»، - دەدى مەملەكەت باسشىسى.