ۇكىمەت باسشىسى ولجاس بەكتەنوۆ سەناتتىڭ جالپى وتىرىسىندا الەۋمەتتىك قولداۋعا قاتىستى شەشىمدەر مەن مەملەكەتتىك شىعىستاردى وڭتايلاندىرۋ جايىن ءتۇسىندىردى، - دەپ حابارلايدى aqshamnews.kz.
پرەمەر-مينيستردىڭ ايتۋىنشا، الداعى ءۇش جىلدىق رەسپۋبليكالىق بيۋدجەتتى قالىپتاستىرۋ كەزىندە بازالىق شىعىستار 15%-دان 12%-عا قىسقارتىلعان. ونىڭ سوزىنشە، الەۋمەتتىك سالا مەملەكەتتىك بيۋدجەتكە ەڭ كوپ سالماق تۇسىرەدى: جاردەماقىلار، تولەمدەر جانە قولداۋدىڭ باسقا تۇرلەرى بارلىق بيۋدجەتتىڭ شامامەن 60%-ىن قۇرايدى. جىلدار بويى بۇل كورسەتكىش 40%-دان جوعارى بولىپ كەلگەن، ال جاڭا بيۋدجەتتە 38%-عا دەيىن تومەندەگەن.
بەكتەنوۆ قوعامدا مۇنداي وزگەرىستەر ءارقاشان وڭ قابىلدانا بەرمەيتىنىن مويىندادى، ءبىراق رەفورما جالعاساتىنىن اتاپ ءوتتى.
"الەۋمەتتىك قولداۋدى تەك وبەكتيۆتى سەبەپتەرمەن جۇمىس ىستەي المايتىن جانە ءوزىن-وزى قامتاماسىز ەتۋگە مۇمكىندىگى جوق ازاماتتار عانا الۋى ءتيىس. ال ەڭبەككە قابىلەتتى ادام جۇمىس ىستەۋگە مىندەتتى. مەملەكەت ونى باعىپ-قاعۋعا ءتيىس ەمەس جانە بۇدان بىلاي ونداي ساياسات بولمايدى"، – دەدى پرەمەر-مينيستر.