الماتى اكىمى ەربولات دوسايەۆ مەملەكەت باسشىسىنىڭ تاپسىرماسىمەن ەرلىك تانىتقان ازاماتتى ماراپاتتادى. ول – 52 جاستاعى مۋسا ابدرايم سايرانباي ۇلى، حالىقارالىق اۋەجايدا ءقاۋىپ توندىرگەن قىلمىسكەردى توقتاتىپ، قىزمەتكەردىڭ ءومىرىن ساقتاپ قالدى. بۇل تۋرالى Aqshamnews.kz سايتى حابارلايدى.
مۋسا ابدرايم سايرانباي ۇلى «ەرلىگى ءۇشىن» مەدالىمەن ماراپاتتالىپ، وعان قوسا، ارنايى اقشالاي سىياقى دا بەرىلدى. بۇل ماراپات ونىڭ باتىلدىعى مەن قايسارلىعىنىڭ ايقىن دالەلى.
وقيعا حالىقارالىق الماتى اۋەجايىنىڭ الدىن الا تەكسەرۋ ايماعىندا ورىن الدى. قاسكۇنەم جولاۋشى كەيپىندە جاسىرىن كىرىپ، قىزمەتكەرگە شابۋىل جاساعان. قارۋ قولدانعان قىلمىسكەردى بەيتاراپتاندىرۋ وڭاي بولماعانىمەن، مۋسا ابدرايم باتىل قيمىلداپ، ونى توقتاتتى. ونىڭ ارەكەتى ءبىر ادامنىڭ عانا ەمەس، سول ساتتە اۋەجايدا بولعان وزگە دە ادامداردىڭ قاۋىپسىزدىگىن قامتاماسىز ەتتى.
ماراپاتتى العاننان كەيىن مۋسا ابدرايم ءوزىنىڭ العىسىن ءبىلدىردى:
"پرەزيدەنت قاسىم-جومارت كەمەلۇلىنا ەرەكشە ىقىلاسى مەن قۇرمەتى ءۇشىن شىنايى العىسىمدى ايتامىن. ەلىمىزدە ءاردايىم بەيبىتشىلىك، ىنتىماق پەن وركەندەۋ بولسىن!"
بۇل وقيعا قوعامدا كەڭىنەن تالقىلانىپ، ازاماتتىڭ باتىلدىعى كوپشىلىكتىڭ جوعارى باعاسىن الدى. ەل پرەزيدەنتىنىڭ مۇنداي ەرلىكتى ەلەۋسىز قالدىرماي، ماراپاتپەن اتاپ ءوتۋى – قازاقستاندا باتىرلىق پەن جاۋاپكەرشىلىكتىڭ لايىقتى قۇرمەتكە يە ەكەنىن كورسەتەدى.
مۋسا ابدرايم سايرانباي ۇلىنىڭ بۇل ارەكەتى – ناعىز ەرلىكتىڭ ۇلگىسى. ول تەك ءبىر ادامنىڭ عانا ەمەس، تۇتاس قوعامنىڭ قاۋىپسىزدىگى ءۇشىن باتىلدىق تانىتتى. مۇنداي وقيعالار باتىرلىقتىڭ تەك كىتاپ بەتتەرىندە عانا ەمەس، ومىردە دە بار ەكەنىن دالەلدەيدى.