قازاقستاندا جاساندى ينتەللەكت تۋرالى قازاق تىلىندە جازىلعان العاشقى كىتاپتىڭ تۇساۋكەسەرى وتپەك. «جاساندى ينتەللەكت الىپپەسى» اتتى ەڭبەكتىڭ تانىستىرىلىمى 11 ناۋرىز كۇنى الماتى قالاسىنداعى Smart Point ورتالىعىندا (Smart Space زالى، بايزاقوۆ كوشەسى، 280) ساعات 14:00-دە وتەدى. بۇل تۋرالى Aqshamnews.kz سايتى حابارلايدى.
كىتاپتىڭ تانىستىرىلىمىندا جاساندى ينتەللەكت (جي) تەحنولوگيالارىنىڭ ماڭىزى، بولاشاعى جانە قازاقستانداعى دامۋ پەرسپەكتيۆالارى جان-جاقتى تالقىلانادى. سونىمەن قاتار، IT، كيبەرقاۋىپسىزدىك، بيوتەحنولوگيالار سياقتى زاماناۋي سالالار بويىنشا پىكىر الماسۋ وتەدى.
كىتاپ اۆتورى مەيىرجان اۋەلحان ۇلى بۇل ەڭبەك قازاق وقىرماندارىنا جي الەمىن تەرەڭىرەك تۇسىنۋگە كومەكتەسەتىنىن اتاپ ءوتتى:
"بۇل كىتاپ – جاساندى ينتەللەكتكە قىزىعاتىن كەز كەلگەن ادام ءۇشىن پايدالى قۇرال. مۇندا تەوريالىق مالىمەتتەرمەن قاتار، ناقتى تاجىريبەلىك قولدانۋ مۇمكىندىكتەرى دە قامتىلعان"، – دەدى ول.
بەلگىلى جۋرناليست قاينار ولجاي كىتاپتىڭ مازمۇنى مەن قۇرىلىمىنا جوعارى باعا بەرىپ:
"قازاق تىلىندە جاساندى ينتەللەكت تۋرالى ساپالى اقپارات الۋ قيىن. بۇل كىتاپ – وسى ولقىلىقتىڭ ورنىن تولتىراتىن قۇندى ەڭبەك. مۇندا جي ونىمدەرىن ۇسىناتىن كومپانيالار، نەگىزگى تەرميندەر مەن پراكتيكالىق تاپسىرمالار قامتىلعان"، – دەپ اتاپ ءوتتى.
2024 جىلى الەمدىك جي نارىعىنىڭ قۇنى 190 ميلليارد دوللاردان استى. قازاقستان دا بۇل سالانىڭ دامۋىنا ۇلەس قوسىپ، ءجي-دى ءوندىرىس، مەديسينا، قارجى، ءبىلىم بەرۋ سالالارىندا بەلسەندى تۇردە ەنگىزۋدە.
وسى باعىتتا ءبىلىمدى دامىتۋدى ماقسات ەتكەن AI-Hub Publishing باسپاسى قۇرىلىپ، قازاق تىلىندە جي، IT، كيبەرقاۋىپسىزدىك، بيوتەحنولوگيالار تاقىرىپتارىندا عىلىمي-كوپشىلىك ەڭبەكتەردى شىعارۋدى جوسپارلاپ وتىر.
«جاساندى ينتەللەكت الىپپەسى» كىتابى – قازاق وقىرماندارى ءۇشىن جاڭا تەحنولوگيالاردى مەڭگەرۋگە ارنالعان العاشقى تولىققاندى ەڭبەك. تۇساۋكەسەر جاساندى ينتەللەكتكە قىزىعاتىن بارلىق ماماندار مەن ستۋدەنتتەر ءۇشىن ماڭىزدى شارا بولماق.
بايلانىس: +7 700 973 20 01