مەملەكەت باسشىسىنا قارۋلى كۇشتەردىڭ، باسقا دا اسكەري قۇرامالاردىڭ ۇشاقتارى مەن تىكۇشاقتارىنىڭ، جاۋىنگەرلىك جانە ارناۋلى تەحنيكالارىنىڭ جاڭا ۇلگىلەرى تانىستىرىلدى، دەپ حابارلايدى اlmaty-akshamy.kz.
قاسىم-جومارت توقايەۆ اۆيابازاداعى ءبىرقاتار ينفراقۇرىلىمدىق نىساندى ارالاپ كوردى. ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى ەركىن بوتاقانوۆ جاۋىنگەرلىك تاپسىرمالاردى ءوز دەڭگەيىندە ورىنداۋ ءۇشىن بازادا بارلىق جاعداي جاسالعانىن مالىمدەدى.
پرەزيدەنت اسكەري قالاشىقتىڭ داڭق زالىنا بارىپ، قۇرمەتتى قوناقتار كىتابىنا قولتاڭبا قالدىردى.
اۆيابازانىڭ استانا اۋە ايلاعىندا ورنالاسۋى جەكە قۇرام مەن تەحنيكانى قاجەت جەرىنە ۋاقىتىلى جەتكىزۋگە مۇمكىندىك بەرەدى. سونداي-اق اۋەدەن بارلاۋ جۇرگىزۋ، زارداپ شەككەندەردى ەۆاكۋاسيالاۋ كەزىندە ۇلتتىق ۇلاننىڭ بولىمشەلەرىنە اۆياسيالىق قولداۋ كورسەتەدى.