قاسىم-جومارت توقايەۆ ەكىجاقتى كەزدەسۋلەر وتكىزدى، دەپ حابارلايدى aqshamnews.kz
شەتەلدىك ينۆەستورلار كەڭەسىنىڭ وتىرىسى اياسىندا مەملەكەت باسشىسى ءبىرقاتار حالىقارالىق كومپانيانىڭ وكىلدەرىمەن كەزدەستى.
مەملەكەت باسشىسى Wabtec پرەزيدەنتى جانە باس اتقارۋشى ديرەكتورى رافاەل سانتانامەن اڭگىمەلەسۋ بارىسىندا كومپانيانىڭ ۇزاق جىلدان بەرى قازاقستاننىڭ تەمىرجول سالاسىنداعى سەنىمى سەرىكتەسىنە اينالعانىن، ەلىمىزگە 230 ميلليون دوللاردان اسا ينۆەستيسيا قۇيعانىن اتاپ ءوتتى.
امەريكالىق Wabtec كورپوراسياسى كولىك تەحنولوگياسى بويىنشا كوشباسشى كومپانيالاردىڭ ءبىرى رەتىندە تانىلعان.
قاسىم-جومارت توقايەۆ ەلىمىز لوكوموتيۆتىڭ جاڭا تۇرلەرىن شىعارۋ، سەرۆيستىك ورتالىقتاردى كەڭەيتۋ، بىلىكتىلىك ورتالىقتارىن قۇرۋ جانە ءوندىرىس لوكاليزاسياسىن ارتتىرۋ باعىتتارى بويىنشا كومپانيامەن ستراتەگيالىق ىنتىماقتاستىقتى ودان ءارى جالعاستىرۋعا نيەتتى ەكەنىن جەتكىزدى.