بۇگىن مەملەكەت باسشىسى قاسىم-جومارت توقايەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالادى، - دەپ حابارلايدى اqshamnews.kz ءتىلشىسى.
"ۇكىمەت كاسپييدىڭ سۋ رەسۋرستارىن ساقتاۋ تۋرالى مەملەكەت ارالىق باعدارلاما ازىرلەۋدى قولعا الۋ كەرەك. ونى سەرىكتەس مەملەكەتتەرمەن كەلىسۋ قاجەت"، - دەدى ول.
پرەزيدەنت حالىققا جولداۋىندا «كاسپيي تەڭىزى – ءبىر ەلدىڭ عانا ەمەس، بۇكىل ايماقتىڭ تاعدىرىنا قاتىسى بار ماسەلە» ەكەنىن اڭعارتتى.
"سۋ ۇنەمدەيتىن تەحنولوگيانى ەنگىزۋ جۇمىسى باياۋ جۇرۋدە، ناقتى ناتيجە ءالى جوق. بۇل جۇمىسقا بەلگىلى شەتەلدىك كومپانيالاردى تارتقان ءجون. سونداي-اق قىتايدا جاسالعان الەمدەگى ەڭ وزىق تەحنولوگيالاردى ساتىپ الۋعا بولادى.
سۋ تاپشىلىعىنا بايلانىستى قيىندىق بولۋى مۇمكىن ەكەنى الدىن الا ەسكەرتىلىپ جاتادى. سوعان قاراماستان ديقاندار سۋدى كوپ قاجەت ەتەتىن داقىل ەگۋدى ازايتار ەمەس. ءتىپتى ەگىن سۋارۋعا قاجەتتى سۋدى ەش رۇقساتسىز، شارتسىز بۇرىپ الاتىن جايتتار ءجيى كەزدەسەدى.
تاعى ءبىر كەلەڭسىز جاعداي، بۇل – «قارا نارىقتاعى» سۋدى زاڭسىز ساتۋ يا ساتىپ الۋ. قۇقىق قورعاۋ مەكەمەلەرى بۇل ماسەلەمەن اينالىسۋى قاجەت"، - دەدى مەملەكەت باسشىسى توقايەۆ.
پرەزيدەنت ارالعا قاتىستى جاقسى مىسالعا دا توقتالدى.
"ارينە، تەڭىزدىڭ تارتىلۋى قازاقستان ءۇشىن ۇلكەن قاسىرەت بولدى. ءبىراق ودان قورىتىندى جاسالىپ، تەڭىزدى قالپىنا كەلتىرۋ ءۇشىن جۇيەلى جۇمىس جۇرگىزىلىپ جاتىر. بۇل كەشەندى جۇمىس 20 جىلدان استام ۋاقىت بويى ۇزدىكسىز جالعاسۋدا. سونىڭ ارقاسىندا سولتۇستىك ارالدى ساقتاپ قالدىق. ونىڭ ايدىنى 36 پايىزعا ۇلعايىپ، سۋ كولەمى ەكى ەسە ءوستى. سۋ قۇرامىنداعى تۇزدىڭ مولشەرى ەكى ەسە ازايدى. ءبىراق ارالدى تولتىرۋ جۇمىستارى قارقىندى جالعاسا بەرۋگە ءتيىس"، - دەدى پرەزيدەنت حالىققا جولداۋىندا.
مەملەكەت باسشىسىنىڭ ايتۋىنشا، كاسپيي تەڭىزىنىڭ تارتىلىپ بارا جاتقانى جۇرتتى الاڭداتىپ وتىر. ەگەر ءتيىستى شارا قولدانىلماسا، بۇل اسا ۇلكەن ەكولوگيالىق اپاتقا اينالۋى مۇمكىن ەكەنىن دە العا تارتتى.
بۇل تۋرالى جاقىندا پرەزيدەنت توقايەۆ قىتايدا وتكەن شانحاي ىنتىماقتاستىق ۇيىمىنىڭ كەڭەيتىلگەن وتىرىسىندا وسى ماڭىزدى ماسەلەگە ارنايى توقتالىپ، ۇيىم اياسىندا سۋ ماسەلەلەرى جونىندەگى كەڭەس قۇرۋ تۋرالى ۇسىنىسىن جاساعان ەدى.
كاسپيي تەڭىزى – ءبىر ەلدىڭ عانا ەمەس، بۇكىل ايماقتىڭ تاعدىرىنا قاتىسى بار ماسەلە. سوندىقتان جۇمىلىپ ارەكەت ەتۋ قاجەت. ۇكىمەت كاسپييدىڭ سۋ رەسۋرستارىن ساقتاۋ تۋرالى مەملەكەتارالىق باعدارلاما ازىرلەۋدى قولعا الۋى كەرەك. ونى سەرىكتەس مەملەكەتتەرمەن كەلىسۋ قاجەت. بۇل قۇجات كاسپيي ماڭىنداعى ەلدەردىڭ ۇيلەسىمدى ءارى جەدەل ارەكەت ەتۋىنە ارقاۋ بولۋعا ءتيىس.
بۇگىن ءبىز سۋ ماسەلەسى بويىنشا دۇرىس جانە ورىندى شەشىم تاباتىن بولساق، ەرتەڭ سونىڭ يگىلىگىن كەيىنگى ۇرپاق كورەتىن بولادى. بالالارىمىز بەن نەمەرەلەرىمىزدىڭ تاعدىرى ءبىزدىڭ ارەكەتىمىزگە تىكەلەي بايلانىستى بولماق. ءبىز – ءوز بولاشاعىمىزعا ءوزىمىز جاۋاپتىمىز. سۋدى ۇنەمدەۋ مادەنيەتىن قالىپتاستىرۋ – ينستيتۋسيونالدىق جانە تەحنولوگيالىق شەشىمدەردەن، ءتىپتى، وسى باعىتتا بولىنەتىن قاراجاتتان دا ماڭىزدى ءىس"، - دەپ ناقتىلادى پرەزيدەنت.