پرەزيدەنت قاسىم-جومارت توقايەۆ قازاقستاننىڭ ازياداعى ۋاقىت سىنىنان وتكەن سەنىمدى سەرىكتەسى سينگاپۋرمەن ىنتىماقتاستىقتى جوعارى باعالايتىنىن اتاپ ءوتتى، دەپ حابارلايدى اlmaty-akshamy.kz. اقورداعا سىلتەمە جاساپ.
ونىڭ ايتۋىنشا، جۋىردا ەل باسشىلىعىنىڭ اۋىسقانى سينگاپۋر ءۇشىن ماڭىزدى كەزەڭ بولدى.
قاسىم-جومارت توقايەۆ وسى ورايلى ءساتتى پايدالانا وتىرىپ، لي سيان لۋندى سينگاپۋردىڭ اعا ءمينيسترى قىزمەتىنە كىرىسۋىمەن قۇتتىقتادى.
پرەزيدەنت ەل باسشىلىعىنىڭ ءۇشىنشى بۋىنى تەڭدىككە، مەريتوكراتياعا، ءتيىمدى باسقارۋ مەن الەۋمەتتىك ۇيلەسىمدىلىككە نەگىزدەلگەن تابىستى ءارى ۇشقىر ويلى ۇلت قالىپتاستىرۋ سەكىلدى لي كۋان يۋ مۇراسىنىڭ وزىق ۇلگىسىن ساقتاپ، دامىتىپ كەلە جاتقانىنا نازار اۋداردى.
قاسىم-جومارت توقايەۆ لي سيان لۋننىڭ 20 جىل ىشىندە قازاقستان مەن سينگاپۋر اراسىنداعى جان-جاقتى سەرىكتەستىككە ايتارلىقتاي ۇلەس قوسقانىن ءارى ەلىمىزدىڭ شىنايى دوسى ەكەنىن ايتتى.
لي سيان لۋن ەكى ەل اراسىنداعى ءوزارا ءتيىمدى ىنتىماقتاستىقتى نىعايتۋدىڭ ماڭىزىن اتاپ ءوتتى. ونىڭ ايتۋىنشا، سينگاپۋر قازاقستانمەن ستراتەگيالىق ارىپتەستىكتى ودان ءارى جالعاستىرۋعا نيەتتى.
كەزدەسۋدە ساۋدا-ەكونوميكا، ينۆەستيسيا، قارجى، كولىك-لوگيستيكا جانە گۋمانيتارلىق سالالارداعى ىقپالداستىق ماسەلەلەرى تالقىلاندى. سونداي-اق حالىقارالىق كۇن ءتارتىبىنىڭ وزەكتى باعىتتارى جان-جاقتى قاراستىرىلدى.