مەملەكەت باسشىسى قاسىم-جومارت توقايەۆ سينگاپۋردىڭ پرەزيدەنتى حاليما ياكوبتى «دوستىق» وردەنىمەن ماراپاتتادى.
بۇل تۋرالى اقوردانىڭ رەسمي سايتىندا جاريالاندى، دەپ حابارلايدى Almaty-akshamy.kz
«مەملەكەت باسشىسى قازاقستان رەسپۋبليكاسى جانە سينگاپۋر رەسپۋبليكاسى اراسىنداعى ەكىجاقتى قارىم-قاتىناستاردى نىعايتۋعا جانە دامىتۋعا ەلەۋلى ۇلەس قوسقانى ءۇشىن سينگاپۋر رەسپۋبليكاسىنىڭ پرەزيدەنتى حاليما ياكوبتى ءى دارەجەلى «دوستىق» وردەنىمەن ماراپاتتادى.
سينگاپۋر پرەزيدەنتى حاليما ياكوب كورسەتكەن سىي-قۇرمەتى ءۇشىن قاسىم-جومارت توقايەۆقا العىس ايتىپ، ەكى ەل اراسىنداعى جان-جاقتى ىنتىماقتاستىقتى دامىتۋعا بار كۇش-جىگەرىن جۇمسايتىنىنا سەنىم ءبىلدىردى»، - دەپ جازدى اقپارات كوزى.