ول فينالعا جەتتى
پرەزيدەنت قاسىم-جومارت توقايەۆ ەلەنا رىباكينانى ۋيمبلدون ءتۋرنيرىنىڭ فينالىنا شىعۋىمەن قۇتتىقتادى.
ەلەنا رىباكينانى تەننيستەن ەڭ بەدەلدى ۋيمبلدون تۋرنيرىندەگى كەرەمەت جەڭىسىمەن قۇتتىقتايمىن. ول فينالعا جەتتى! - دەپ جازدى مەملەكەت باسشىسى الەۋمەتتىك جەلىدە.
ايتا كەتەيىك، قازاقستاننىڭ ءبىرىنشى، الەمنىڭ 23-راكەتكاسى ەلەنا رىباكينا ۋيمبلدون ءتۋرنيرىنىڭ فينالىنا شىققان بولاتىن. قازاقستاندىق تەننيسشى جارتىلاي فينالدا الەمنىڭ بۇرىنعى ءبىرىنشى راكەتكاسى، «ۇلكەن دۋلىعا» ءتۋرنيرىنىڭ ەكى مارتە چەمپيونى (فرانسيا اشىق چەمپيوناتى – 2018، ۋيمبلدون – 2019)، قازىرگى كەزدە رەيتينگىدە 18-ساتىدا تۇرعان رۋمىنيالىق سيمونا حالەپپەن كەزدەسىپ، جەڭىسكە جەتتى.