قاسىم-جومارت توقايەۆ ارنايى وكىلگە ءىلتيپات بىلدىرە وتىرىپ، رۋاندا پرەزيدەنتى پول كاگامەگە سالەمىن جولدادى. مەملەكەت باسشىسى رۋاندا تاراپىنىڭ قازاقستانمەن كوپجوسپارلى سەرىكتەستىكتى نىعايتۋعا ىقىلاس تانىتىپ وتىرعانىنا ريزاشىلىق ءبىلدىردى، دەپ حابارلايدى aqshamnews.kz.
پرەزيدەنت افريكا ەلدەرىمەن ىقپالداستىقتىڭ قارقىنىندا وڭ ديناميكا بار ەكەن اتاپ ءوتىپ، رۋاندامەن اراداعى ەكىجاقتى جانە كوپجاقتى قارىم-قاتىناستىڭ كوكجيەگىن ودان ءارى كەڭەيتۋدىڭ ماڭىزىنا نازار اۋداردى.
وسى ورايدا مەملەكەت باسشىسى جۋىردا قول قويىلعان قازاقستان مەن رۋاندا اراسىنداعى ديپلوماتيالىق جانە قىزمەتتىك پاسپورت يەلەرىن ۆيزا تالاپتارىنان بوساتۋ تۋرالى كەلىسىمدى جوعارى باعالادى.
جان پول نيرۋبۋتاما قوناقجايلىق تانىتقانى ءۇشىن قاسىم-جومارت توقايەۆقا العىس ايتىپ، بۇگىندە قازاقستاننىڭ ساياسي جانە ەكونوميكالىق تۇرعىدان قارقىندى دامىپ كەلە جاتقانىن اتاپ ءوتتى.
اڭگىمە بارىسىندا ساۋدا-ەكونوميكالىق جانە مادەني-گۋمانيتارلىق ىنتىماقتاستىقتىڭ پەرسپەكتيۆتى باعىتتارى تالقىلاندى.