مەملەكەت باسشىسى رەسەيلىك ارىپتەسىمەن تەلەفون ارقىلى سويلەستى

مەملەكەت باسشىسى رەسەي پرەزيدەنتىمەن سويلەستى

قاسىم-جومارت توقايەۆ ۆلاديمير ءپۋتيندى مەملەكەتتىك دۋما فەدەرالدى جينالىسىنىڭ VIII شاقىرىلىمىنا سايلاۋ ناۋقانىنىڭ ءساتتى وتۋىمەن قۇتتىقتادى، دەپ حابارلايدى Almaty-akshamy.kz اقوردا سايتىنا سىلتەمە جاساپ.

- سايلاۋ ناتيجەسى رەسەيدىڭ ىشكى ساياسي تۇراقتىلىعىن نىعايتۋ ءۇشىن اسا ماڭىزدى، - دەپ ەسەپتەيدى قازاقستان پرەزيدەنتى.

سونىمەن قاتار قاسىم-جومارت توقايەۆ پەرم مەملەكەتتىك ۇلتتىق زەرتتەۋ ۋنيۆەرسيتەتىندە بولعان قاندى وقيعانىڭ سالدارىنان ادامداردىڭ قازا بولۋىنا بايلانىستى كوڭىل ايتتى.

اڭگىمەلەسۋ بارىسىندا مەملەكەت باسشىلارى قازاقستان مەن رەسەي اراسىنداعى ساۋدا-ەكونوميكالىق قاتىناستاردىڭ قارقىندى دامۋىن وڭ باعالاپ، كوكشەتاۋدا 30 قىركۇيەكتە وتەتىن ءوڭىرارالىق ىنتىماقتاستىق فورۋمىنىڭ ماڭىزدىلىعىنا جانە ونىڭ مازمۇندى ءارى ساپالى بولۋىنا باسا نازار اۋداردى.

قازاقستان مەن رەسەي باسشىلارى 16-17 قىركۇيەك كۇندەرى دۋشانبەدە وتكەن ۇقشۇ مەن شىۇ سامميتتەرى اياسىندا قول جەتكىزىلگەن ۋاعدالاستىقتاردى جۇزەگە اسىرۋ ءۇشىن ءىس-قيمىلداردى ۇيلەستىرۋگە دايىن ەكەندەرىن ناقتىلادى.