15 تامىزعا قاراعان ءتۇنى ماحاچكالاداعى جانارماي قۇيۋ بەكەتىندە ۇلكەن جارىلىس بولىپ، سالدارىنان كەم دەگەندە 25 ادام قازا تاپتى
قاسىم-جومارت توقايەۆ داعىستان رەسپۋبليكاسىنىڭ ماحاچكالا قالاسىنداعى جانار-جاعارماي ستانساسىندا بولعان جارىلىس سالدارىنان كوپتەگەن ادامنىڭ قازا تابۋىنا بايلانىستى رەسەي فەدەراسياسىنىڭ پرەزيدەنتى ۆلاديمير پۋتينگە كوڭىل ايتتى، دەپ حابارلايدى Almaty-akshamy.kz.
«ورنى تولماس قايعىعا ورتاقتاسىپ، قازا تاپقان ادامداردىڭ تۋعان-تۋىستارىنا قازاقستان حالقىنىڭ جانە جەكە ءوز اتىمنان كوڭىل ايتامىن. سونىمەن قاتار زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، – دەپ جازىلعان جەدەلحاتتا.